鄧佩儀主動約會送禮物搞曖昧 被指進擊人夫周柏豪

撰文：東方新地 圖片 ：新傳媒圖片、Instagram

鄧佩儀《再創世紀》暗戀周柏豪

鄧佩儀同周柏豪喺2017年合作無綫劇《再創世紀》結片緣，Gloria在劇中飾演「朱小慧」，周柏豪就飾演「程凱」，「朱小慧」在劇中暗戀對象「程凱」。其實拍劇期間，雖然佢同袁偉豪都好多對手戲，但Gloria戲內戲外卻淨只冧柏豪一人，經常貼二人嘅劇照及花絮照！

小慧戲中暗戀程凱，銀包都偷放二人合照，Gloria連呢個都喺IG分享，仲大曬二人即影即有相片！

劇集出街後，Gloria也念念不忘二人醉酒戲，指拍得相當唯美！

狂偷拍 勁集郵

Gloria在戲內外都對柏豪超冧超主動，唔止經常捉住對方合照，仲成日偷拍人夫，就連睇Playback都要影埋個mon﹐而且唔止一次，係好多次！搞到柏豪睇到啲相都忍唔住留言問：「究竟你收藏了多少張合照？」

偷拍及大量合照都未算誇，Gloria分享佢喺劇中偷望柏豪嘅相，寫道：「盼望著 有天你會看到我 期待著有天你會需要我 希望著每天留在你身邊 小慧上。」種種加埋又難免令人認為佢太入戲喎！

約慶生 派心心

而據報道指Gloria拍完《再》劇後仍然好入戲，經常不避嫌與人夫周柏豪聯絡，相約對方食飯及送小禮物等等，表現殷勤。而在去年11月，由於二人生日日期相近，佢哋約埋同劇演員袁偉豪與女友張寶兒食飯順道慶生，而Gloria表示有男神陪佢慶生超開心，仲送上心心emoji一個。

二人之後應邀為主題公園拍廣告，Gloria分享合照之餘仲寫：「雖然成日畀佢恰，其實同佢拍嘢、合作係好開心。」又加上一男一女心連心圖案，而柏豪也回覆：「好開心又怎叫做『恰』？」！

但報道指爆料者表示有人勸Gloria避免太高調，所以近排她未有上載二人合照。對於被指向人夫周柏豪主動出擊，Gloria接受傳媒表示視袁偉豪及柏豪都係大哥哥、前輩，聖誕、生日大節日大家都會約食飯，仲話唔擔心惹誤會！

周柏豪 對妻發表愛的宣言

型男周柏豪喺2016年迎娶拍拖十年的圈外女友Stephanie Chu，在泰國布吉的五星級酒店Aleenta Phuket Resort & Spa舉行婚禮，事前沒有走漏半點口風，非常神秘，柏豪就透過經理人公司宣佈婚訊及公開婚照 ，柏豪表示：「我一直想好好保護我的家人，不被我的世界而影響，但事情還是要被曝光，這已經是事實，也算是預料之內的。幸好當天我們不受突發狀況影響，儀式也繼續進行，雖然儀式簡單，但我們有着最美好的天氣和祝福。現在大家仍然陶醉在當天，充滿着愛和溫暖的一天，感謝我的家人支持和體諒，也感謝傳媒的關心。對，她是周太，是最好的，我會繼續好好的保護她，也感謝愛我的人也同樣愛護她。我們也在這裏祝大家幸福美滿，生活愉快。」

周柏豪在2017年個唱上罕有大談同太太戀情經歷，坦言對太太是一見鍾情，又說：「我跟她未入行已認識，一齊成長十多年，她將她最黃金的青春奉獻給我這個不敢寫包單的人。」柏豪最感激太太在他早年患上驚恐症期間的照顧：「當時我沒有工作、沒有收入，甚至要她在經濟上幫忙我。去年結婚時，朋友得悉有狗仔隊偷拍，她第一時間問我婚禮需不需要hold住先，我覺得她真得很偉大，可以為我做任何事，多謝你！我終於可以公開在這個的鑽石（紅館）上，唱這首歌畀你聽。」