遺傳爸爸浪漫 Torres整蛋糕冧楊千嬅
廣告
今日2月3日係 楊千嬅 42歲正日生日，千嬅早前獲老公丁子高落重本為佢送上驚喜煙花匯演，兩公婆甜蜜到爆！正所謂有其父必有其子，今日就到4歲囝囝Torres出手，見到佢親手整咗個生日蛋糕俾媽咪，相信千嬅未食已經甜到入心！
到今日正日生日，丁子高凌晨在微博上戴咗鮮花和香檳的照片，他寫道：「第一次不在香港過新年，第一次帶Torres去（有點遠）的地方旅行，第一次平靜地浪漫跟老婆過生日……Happy Birthday楊千嬅，Love you！」非常浪漫！
丁子高氹得千嬅咁開心，4歲囝囝Torres都唔執輸，親手整咗個蛋糕比媽咪，千嬅收到後立即喺Instagram上載出幾張囝囝整蛋糕嘅相，留言話：「感謝•感恩•感動❤birthday cake made by Mini Ting （assisted by 姐姐）Mini Ting 話 mommy , daddy and me in the birthday cake（迷你丁話：媽咪、爹哋同我匿喺生日蛋糕裏面）?你們能把我找出來嗎？ （明天揭曉）」雖然蛋糕有工人姐姐輔助完成，不過Torres論係打蛋、溶朱古力定係倒模，都堅持自己親力親為，絕對無偷懶。人仔細細已經整到咁靚嘅蛋糕，認真犀利！相信千嬅未食個蛋糕，已經甜到入心。
