進軍荷里活 殺入美劇界！陳法拉同影后妮歌潔曼拍HBO新劇
撰文：東方新地 圖片：新傳媒圖片 、陳法拉IG、IMDb截圖
陳法拉碩士畢業 進軍荷里活
現年37歲的陳法拉2013年離開TVB，之後甚少在港露面，早前佢在美國紐約的茱莉亞學院畢業，而且最威水係法拉是該學院首個華人表演系碩士之餘，更是首個華人以全A的成績畢業，真的是超抵讚！
陳法拉五年前選擇告別大台，當時正是大台當紅花旦的法拉事業可以說是如日中天，佢當時毅然選擇離開無綫到美國讀書，如今以全A的成績碩士畢業，讓大家都看到其努力和付出，果然係高學歷女神！
傳聞陳法拉更被金牌經理人Brian Swardstrom看中，簽約美國著名經理人公司United Talent Agency（UTA），旗下的藝人都是荷里活的實力派，應屆奧斯卡影后《廣告牌殺人事件》女主角Frances McDormand也是其門下，仲有《變形俠醫》主角Edward Norton等等，看來法拉的實力受到國際認可。
HBO新劇 夥拍金像影后
美國收費串流平台HBO的全新迷你劇《The Undoing》由金像影后Nicole Kidman（妮歌潔曼）和英國著名男星Hugh Grant（曉格蘭特）主演，網路電影資料庫（IMDb）顯示，陳法拉也在其演員名單中。《The Undoing》改編自小說，是6集長度的迷你劇，而飾演Jolene的法拉會在當中演出4集。
根據網路電影資料庫（IMDb）顯示，HBO新劇《The Undoing》是6集長度的迷你劇，而飾演Jolene的陳法拉會在當中演出4集。
陳法拉今日（3月14日）在instagram上載了一張外國街頭的照片，並留言指：「first day went well（第一日非常順利。）」仲hashtag「演員生活」、「拍攝現場」等字眼㖭！睇真啲，原來幾架演員休息車泊喺咗街邊，相信是正為新劇《The Undoing》進行拍攝。
法拉也有在其IG story上分享劇組安排畀佢嘅休息車內櫳，有書桌、電視、梳化，而桌上嘅雜物籃仲放咗牙膏、牙刷、漱口水、潤膚露同有汽礦泉水等，真係好貼心！
找數女漢子 激罕晒泳衣照
法拉近年在美國長住，去年她回港出席活動時表示會與法籍男友Emmanuel去法國度假，仲話去法國一定會著泳衣！話咁快佢數日後「找數」，於社交網站分享一張泳衣相，相中見到法拉身穿白色比堅尼，在陽光下露出甜美笑容，有幸用相機捕捉呢一刻的人，當然就係法拉男友Emmanuel Straschnov啦！
重溫昔日性感女神風采
唔知大家仲記唔記得，陳法拉2005年參選國際華裔小姐奪亞軍後入行，樣子甜美、身材出眾的法拉好快成為大台上位小花，更毫不吝嗇騷Body，不時都會除衫晒身材！不過今時今日，可以成日睇法拉騷身材的機會不是屬於我們的，咁就唯有一齊回味佢以前性感女神的風采！
陳法拉水著放題開始
泳衣品牌代言人
當年法拉為泳衣品牌代言人，所以大家經常大飽眼福！
陳法拉早年為TVB拍攝年曆，多位型男索女水著示人～
拍劇博到盡
陳法拉拍劇時亦係博到盡，都有唔少性感演出令人留下深刻印象！
《溏心風暴》比堅尼青春無敵
《有營煮婦》露Bra又除褲
《師奶兵團》噴血誘郭政鴻
