套套劇都聽到佢哋把聲盤點7位星夢娛樂女歌手

盤點7位星夢娛樂女歌手

連詩雅（Shiga）前日（4/12）正式宣佈離開HMV Music加盟星夢娛樂，一身紅色長裙看起來就像是為了踏入人生新一頁而慶祝。

星夢娛樂是無綫旗下的唱片公司，為了無綫歌唱比賽《星夢傳奇》參賽歌手而設立，現在TVB電視劇多數都是找星夢的歌手主唱，所以大家經常聽到某幾把熟悉聲音，今次就跟大家盤點一下星夢旗下女歌手吧！

1. 吳若希

現年26歲的吳若希（Jinny）16時與朋友唱K時被星探發掘，在正式出道前，接受了兩年的秘密訓練，包括唱歌和演奏樂器。

2013年吳若希拍攝《炊煙》MV時，導演上傳的一張造型照被指與吳雨霏的造型相同。可是馬天佑、吳若希老闆何哲圖及她本人都表示絕無抄襲。2014年加入星夢娛樂後不斷傳出緋聞，好像巨聲幫胡鴻鈞、周志文和許廷鏗等。

吳若希為《使徒行者》唱的主題曲《越難越愛》跟著劇集一炮而紅，更被稱為洗腦神曲，而《武則天》的主題曲《眼淚的秘密》也廣為人知。

吳若希還參演了賀歲劇《倩女喜相逢》，不過演技受外界批評。當時更亦指介入蕭正楠和黃翠如的戀情當中，不過事後相關人物都否認緋聞。而第二套劇集《衝線》播映，觀眾則對此劇反應不錯。

吳若希媽媽與朋友相約到大埔踏單車發生意外，有網民就拿意外一事與Jinny有份擔演劇集開玩笑，引起吳若希於社交網站用粗口指責。事件公開後，外界就批評Jinny身為公眾人物不應講粗口。

吳若希雙十結婚

去年10月10日係吳若希同男友Alex正式簽字結婚！Jinny在其社交平台晒相報喜，仲留言話：「10月10日，好日，簽個字，請叫我何師奶～今日我倆一切從簡在唱片公司，在律師同老闆Herman及一些好友見証（證）下，與Alex正式結婚～希望大家可以祝福我倆，像結婚誓詞一樣愛護及包容大家，令這段婚姻得到真正的美滿～??」好sweet！

誓詞唔詳盡？ Jinny：婚後啲財產，錢邊個管？！

簽完字之後，吳若希仲同老闆何哲圖喺big big channel做直播，又接受TVB娛樂新聞台訪問，Jinny說：「比我想像中無咁感動，因為大家都話會感動到讀唔到誓詞，但係我哋完全覺得自己浸淫喺歡樂當中，其實係幾搞笑同幾開心嘅。我哋無乜蝦碌嘢，因為簽字都只係個簡單過程，最蝦碌就係份誓詞寫得唔夠詳盡囉，例如婚後啲財產，錢邊個管呀，但係成個過程係開心嘅。點解要喺唱片公司度搞呢，除咗可以請埋我老闆（何哲圖）見證之外呢，呢個地方係我簽重要合約嘅地方，咁今次呢個都係我人生一個幾重要嘅合約，所以揀呢度。」

閃分閃復合

其實Jinny前年7月高調宣布跟澳門闊少何兆鴻（Alex ）拍拖，2個半月後在社交平台宣佈「分訊」，但其後又極速復合，隨後更公佈快將成為媽媽，相當戲劇性。

大搞百日宴

24歲吳若希前年11月宣布陀有B女後，正式升格做媽咪喇！去年4月，Jinny經過十多個小時的陣痛，順產生B女，取英文名為Giselle(乳名淼淼)，坐月期間佢都專心湊女，之後偶爾回港工作。而喺淼淼出世100日，兩公婆大搞百日宴，邀請親友為B女慶祝。

2. 何雁詩

何雁詩在2009年參加第一屆《超級巨聲》而簽約無綫。何雁詩另一個職業是高爾夫球運動員，並在多個比賽中代表香港，今年一月「香港業餘高爾夫球女子賽」贏得冠軍更獲得參與「盈豐香港女子高爾夫球公開賽」的資格。

雖然何雁詩以歌手身份入行，不過都有參與電視劇拍攝。2014年，《食為奴》飾演「米小魚」與王祖藍合作。

2015年，何雁詩在劇集《四個女仔三個BAR》飾演「姚翠花」與陳凱琳、陳瀅、劉佩玥等人合作，人氣急升。同年3月正式加盟星夢娛樂。

2016年她為熱播劇集《EU超時任務》唱主題曲《最真心一對》，大受歡迎。同年又出演劇集《致命復活》以及唱片尾曲《愛需要勇氣》，在多個音樂平台奪冠。2017年，她為劇集《不懂撒嬌的女人》唱主題曲《我不會撒嬌》，網上派台一個月後歌曲播放率更突破一百萬。可算是跟Jinny一樣，是唱無綫劇集主題曲的固定人物。

何雁詩與鄭俊弘在2017年公開戀情，但被指成為小三，鄭俊弘為了與她在一起而與自己的未婚妻分手。當時網民全都不睇好這一對，更在其IG留言唾罵。

拍節目撻着

何雁詩前年8月與日韓混血兒男友Wataru分手後，一直都未有新戀情，直至同年跟Fred一同出埠拍攝無綫節目《這個冬天不太冷》，朝夕相對下擦出愛火！打得火熱的兩人早前主唱劇集《我瞞結婚了》主題曲〈真心真意〉，拍MV時頻頻當着工作人員面前打情罵俏。另外Fred又不時去到女方位於大埔滌濤山的豪宅度春宵，更因為試過太嘈吵而被鄰居投訴！唔知玩咩玩到咁嘈呢？

返香閨斷正

正在橫店趕拍新劇《天命》的何雁詩，早前因為身體不適而辭演《誇世代》，不過日前佢就秘密返港，偷會愛郎阿Fred！當日阿Fred駕駛其銀色座駕接載女友返回大埔寓所，身體不適的何雁詩一直於車內吞雲吐霧吸食電子煙，之後兩人家中短聚四個多小時先離開。當記者上前問兩人係咪拍拖時，Fred完全唔出聲，而何雁詩則含情脈脈望着男方，再一臉甜笑話：「你哋覺得係咪係囉….唔係咪唔係囉。」

鄭俊弘有個富貴未婚妻

阿Fred同何雁詩兩人都係上位中的大台藝人，形象健康，愈來愈多機會喺不同劇集亮相，似乎有機會成為另一對受觀眾認同的情侶藝人！不過今日有報道大爆，其實阿Fred有個已經收埋三年的富貴女友，佢更在15年向女友求婚成功！女方一家無論生活定感情上都對阿Fred照顧周到，但男方就唔知足去偷食，搞到何雁詩做咗第三者！

深圳求婚成功

早於2014年7月一個船P上，阿Fred認識由外國讀完船回港的富家千金，Fred暱稱對方為Beebs，據知兩人好快就打得火熱，去到見晒家長的地步。一年後的2015年7月31日，兩人為慶祝拍拖一周年，包了七人車去到深圳瑞吉酒店，並book了一間兩層複式房間，不過book房同埋單都係由女友負責。去到凌晨12點，Fred就突然換上禮服手執戒指求婚，Beebs亦當場答應！

旅行女家俾錢

既然阿Fred同Beebs都打算結婚，女方家人都當正佢係女婿一樣，每次一齊家庭旅行唔係坐頭等就係商務客位，就算係旅行使費，對方都唔會問阿Fred攞番；而近年沒有工作的Beebs亦專心替未來老公打理家中大小事務，由飲食到愛犬都照顧得無微不至，似乎係個賢妻喎！

Uber出事

不過前年到去年二月時，情況開始有變，阿Fred同何雁詩拍完〈真心真意〉MV後，突然對Beebs態度有變、忽冷忽熱。一晚阿Fred相約未婚妻到自己愉景灣屋企玩煮飯仔，本來話自己會9點返到，點知最後話要開會搞到凌晨四點先到家，女友一早已經瞓咗。翌日Beebs如常替阿Fred處理單據時，發現對方開咗個新Uber戶口，見到佢凌晨3點由大埔滌濤山去中環碼頭，付款人仲係一個「Stephanie Ho」開頭的戶口！

發火刪除訊息

據知Beebs即時大興問罪之師，不過阿Fred不斷強調同何雁詩只係朋友，而Beebs亦一時心軟原諒對方，之後更煲咗愛心湯去男友愉景灣寓所。點知Beebs當時就發現阿Fred冧滋滋咁同何雁詩講電話，於是要求Check電話，阿Fred見事敗就即時大發脾氣話唔俾，仲delete晒自己同何雁詩的Whatsapp紀錄，不過同何雁詩的大量通話紀錄就仍然喺度。

吵完大鑊後，據知阿Fred最後承認係鍾意咗何雁詩，而Beebs亦終於睇清未婚夫的真面目！阿Fred捱咗咁耐先上位，事業剛剛叫有起色，依家就爆出一腳踏兩船負面新聞，睇怕都幾難收科……