造美人｜八強挑戰辣身舞 Semi自信大叫：今晚我最索﹗ 網民選強尼先係主角

文：東方新地｜圖：《造美人》截圖

《造美人》成功進入總決賽包括楊芷羚（Stella）、 張育玲（Kathy）、劉兆汶（AB）、歐陽玉婷（Miko）、陳芊妤（Ann）、林珊妮（Shweta）、黎韋彤（Semi）、嚴楚翹（Ice）。《追美人》經過三個月來的訓練，七位佳麗以白色貼身舞衣跳舞揭開序幕，鏡頭影得最多大熱Semi，傷腳AB在這個環節未見影﹗

《造美人》變身出場

八佳麗換上太空全身泳衣自我介紹，對比三個月前首次見評判當日，大家明顯大變身，連對答都變得有自信，得到評判團一致讚賞﹗

Ice出場話：「以前我對自己冇信心，否定自己，三個月後嘅今日，希望大家可以見到我嘅進步，閃閃發亮嘅我﹗」

Shweta：「識得欣賞自己，每日覺得自己靚少少﹗」

Semi 話：「一直好相信自己，參加比賽後反而迷失，大家決心去改變我，令我由心自信出來，同時亦接受不完美的自己，總之今晚我至索﹗」

Stella ：「參加時我係體重最重，依家我都係最重，不過改變空間都係最大，呢幾年唔見咗三個朋友，下巴、鎖骨、腰線，依家我搵番佢哋﹗」台下一片歡呼聲﹗

Kathy：「我係咪冇乜變過呢？係，因為我都係咁靚﹗我要畀人見到我內心強大，有人話過我霎眼嬌，我要話畀人知我唔係霎眼嬌﹗」

Miko：「我知自己身型同外型都唔係人哋鍾意嘅類型，但今晚我要做最靚，希望大家眼光放喺我度﹗」

Ann：「我一直冇自信，今晚希望大家都感覺得我由內到外嘅自信﹗」

AB撐住拐杖出嚟：「之前我係玩玩吓心態，依家認真咗，仲搞成咁要撐拐杖出嚟﹗雖然好多環節出唔到，啲人話我陪賽，其實係讓賽，一陣睇我表演啦﹗」

《造美人》首個頒發獎項《突破原美大獎》由Stella先拔頭籌奪得，狀態大勇的Stella興奮攞獎﹗在後的Semi卻明顯一臉失望﹗

強尼身兼主持、評判、表演嘉賓

有全尼稱號的強尼，《造美人》總決賽上不但身兼主持及評判，更擔任表演嘉賓，獨唱兩首歌，又帶八佳麗出場，多重身份，上到台貓紙都唔使用，網民大讚強尼先係主角，八佳麗變成配角﹗

網民：強尼先係主角

網民：強尼唱女神係全晚高潮

網民：ViuTV慳番唔少