《跳躍生命線》羅天宇目擊吞槍被噴到成面血 原來係因為馬德鐘講咗禁語？

撰文：東方新地 ｜圖片：電視劇截圖、劇照

羅天宇目擊吞槍被噴到成面血 原來係因為馬德鐘講咗禁語？

話說羅天宇一去到長沙灣局跟嘅第一單Case就係去「常客」槍械鋪老闆阿達（李啟傑飾）到，一去到阿達非常開心，原因係因為佢call車係想有人幫佢收屍，而出勤嘅人係佢比較熟悉嘅麥Sir。

不過麥Sir同譚Sir勸極都無用， 阿達都係決定吞槍自殺，譚Sir仲要近距離目擊成件事，啲血噴到成塊面都係。

觀眾一定會第一時間話：「嘩！大吉利是咩！第一次出Case就咁！」原來佢哋遇到呢啲事件係因為麥Sir講錯嘢？

據知原來「出車」係救護行內嘅禁語，救護員要出動時會講「去車」或者「走車」，因為「出車」多數用喺靈車上。

唔知大家有無睇過一位前救護員馬菲（筆名）寫嘅書叫《黑色救護誌》，入面寫咗好多救護行業靈異事。例如話唔可以正面抱起吊頸屍體，因為有一位救護員無戴口罩而面對面吸入咗屍氣，喺樓梯到嘔。又唔可以話屍體好重，死咗真係唔抵嘅說話。不過信則有，不信則無嘅，最重要係尊重傷者同死者！