有錢人的玩意？賭王97歲生日 何猷君竟然送呢樣嘢做生日禮物…
撰文：Kayla｜圖片來源：何猷君微博、何超盈ig ｜ 編輯：東方新地
兒子何猷君向賭王送上人生第一本招股書
眾人在養和醫院為賭王何鴻燊慶祝生日，同一天適逢何猷君公司的上市發佈會，他帶著人生第一本招股書帶往探望爸爸。何猷君在微博上分享了一張賭王看著招股書的相片，並留言道：「今天是意義非凡的一天，從來沒有想到，爸爸的生日和公司上市發佈會的大日子，會神奇的發生在同一天裡！」
「今天也是爸爸的生日，讓你感到驕傲一直是我奮鬥的動力。因為你什麼都不缺，每年給你準備禮物都是最頭疼的事情！今年，我終於能夠給你一個特別的、最有意義的禮物——人生中的第一本 股書！！我想說：爸，97歲生日快樂！我會一直努力，做值得你驕傲的兒子！」
超盈向賭王分享與男友合照
身為四房長女的何超盈，亦有在Instagram上分享Story，一張是她與弟弟何猷君的合照，另一張則是超盈和賭王一同看手機的相片，在手機螢幕上隱約看到是超盈男友與四太的合照，未知賭王對這個未來女婿滿不滿意？
何猷君成麻省理工最年輕碩士
賭王何鴻燊與四太梁安琪兒子何猷君是麻省理工大學（MIT）畢業，自小已經是數學天才的何猷君只是用了三年時間就讀完四年的課程。上年只有21歲的何猷君還成為了史上最年輕進入MIT攻讀金融碩士的學生！
何超欣又是一名學霸
賭王何鴻燊有四房太太，十六個仔女，有傳佢最愛錫的，就是在78歲時，跟四太梁安琪所生孻女何超欣，可能是因為「孻女拉心肝」！賭王不止一次讚這個女兒「靚到不得了」！時光飛逝，超欣現在都已經19歲喇，亭亭玉立，生性文靜低調，而超欣跟哥哥何猷君一樣，都是學霸一名，難怪深得父母寵愛！
四太梁安琪講過過，希望超欣冇傳媒壓力下成長，所以超欣自細就好低調，就算同屋企人出席活動，都有媽媽、家姐阿哥睇到實。自細一向品學兼優嘅超欣，小學就讀灣仔區傳統名校瑪利曼小學，除咗讀書叻，亦都好有運動細胞，小學已經喺學界田徑場上盡顯鋒芒，小三被選為「最有潛質運動員」。
細細個就見慣大場面，每次出現都好淡定。
四房全家福，（左一）為二哥猷亨，（中）三哥猷君，（右）為大家姐超盈。
超欣12歲就去咗英國讀寄宿學校, 所以自細就好獨立，識得自己照顧自己。
喺英國讀咗6年書，早前考GCSE考到9個A*，數學更加攞滿分。
本來劍橋已經收咗佢喇，不過超欣就想轉換吓環境，於是就跟阿哥去美國繼續升學。
而家超欣已經入讀美國麻省理工大學（MIT），仲做埋中國留學生會會長，認真叻叻豬！
最近超欣仲代表MIT去參加同哈佛(Harvard)、耶魯(Yale)、普林斯頓(Princeton)同史丹福(Stanford)共5間名牌大學搞嘅五校同舟會學生組織，仲成為呢個組織嘅主席。
媽咪以前係跳舞老師，跳舞對超欣嚟講，又點會有難度！
19歲少女，好多都沉迷K-pop，追韓星，不過超欣就話自己係個宅女，平時鍾意煲劇，睇小說。
自2002年開始，每年於11月舉行的巴黎名媛舞會（Bal Des Debutantes），聚集20多名由16至22歲來自不同國家的年輕名媛淑女的盛大舞會。超欣舊年都有應邀出席，成為25位名媛其中之一，亦係在場唯一一位華人！
超欣嘅社交平台，唔似其他哥哥姐姐咁多姿多采，而家仲係私人帳戶嚟！要留意佢嘅動態，就要留意佢啲哥哥姐姐嘅平台喇！
呢張唯一嘅水着相，就係家姐超盈PO架喇 ！（不過好似P圖重手咗！）
喺咁多兄弟姊妹當中，超欣同哥哥猷君感情最好！
猷君係數學天才，小學時連續兩年喺「世界數學測試邀請賽」中獲獎, 大個之後係麻省理工最年輕的金融碩士，18 歲被美國麻省理工和哈佛大學同時錄取，只係用咗 3 年時間，就攞到 MIT嘅畢業證書！
猷君錫到個妹燶！超欣17歲生日，就突登飛去倫敦同佢做生日。
「男生們請注意：我妹妹已經有戒指，所以你們都沒機會的啦，請試也別試！夠膽碰我妹妹的，我會把你殺掉，然後開開心心的去坐牢坐一輩子」
兩兄妹又會一齊去旅行。
何家二、三、四房子女世紀合照！真係好難得呀！
何家嘅親子活動，係一家人一齊打麻雀！
