賈曉晨1歲囡囡大玩狗狗追逐戰 唔止識行仲識跑！
小飯兜見狀，於是亦馬上追上去，JJ還形容這是「仨孩子亂跑」！家中一團熱鬧，這可愛的片段令JJ也忍不住發笑！
延伸閱讀：
賈曉晨囡囡遺傳優良基因
早前，賈曉晨喺微博上載囡囡小飯兜嘅近照，囡囡深得到父母嘅優良遺傳，皮膚白白滑滑，眼睛大大咁。雖然人仔細細，但已經好識得甫士影相，仲將手指仔放唇邊影相，真係好可愛！就連媽媽都笑住話「這是性感嘴唇pose嗎？」
賈曉晨囡囡小飯兜大搞生日派對
上年，樊少皇與賈曉晨於酒店為囡囡小飯兜大搞一歲生日派對，同時亦邀請到圈內外唔少好友到場一同為呀女慶祝，劉松仁、呂慧儀、姚瑩瑩、錢小豪等人亦有出席。
派對主角小飯兜頭戴閃石頭帶，被爸爸樊少皇單手抱著出場，而媽咪JJ則身穿黑色長裙陪伴在側。面對在場唔少閃光燈及鏡頭，小飯兜依然非精精靈，仲嘗試面向鏡頭揮手！
賈曉晨嫌老公教得囡囡太粗魯
於派對上，樊少皇坦言想等小飯兜長大一點就教她功夫：「還想教她騎摩托車。」，而老婆立即反對指：「她是個女孩子，不要把她教得太粗魯！」，同時，JJ透露暫唔考慮生第二胎，因想用全部時間陪伴囡囡！
JJ及後再於個人微博則上載囡囡去影樓影嘅靚相，並留言：「寶貝，一歲生日快樂！媽咪永遠愛你！媽咪是你永遠的後盾！你幸福我快樂Happy birthday mybaby」，完全感受到對小飯兜嘅愛！
賈曉晨狂晒近一歲囡囡正面照
賈曉晨（JJ）與老公向好少公開囡囡正面照，自小飯兜出世後，兩公婆都係只喺一家三口嘅全家福度公開呀女正面一次咁多！除此以外，兩公婆都絕少放出小飯兜正面相俾大家睇，皆因全部相都用圖案遮住囡囡個樣。
最近，JJ就一改以往作風，不斷喺個人社交網po出多張小飯兜嘅相，罕有見到囡囡就快一歲嘅正面。從相中可見，小飯兜同父母一樣有對大大嘅眼睛，望落皮膚仲白白滑滑咁！
之後JJ再上載帶呀女出去玩嘅相，見到小飯兜著上厚厚嘅大毛毛外衣，對又圓又大嘅眼仔反而最搶鏡，望落非常可愛，好似一個小小模特兒！
唔少網友睇到小飯兜就嚟一歲嘅樣都大讚呀女個樣好萌，仲好似個洋娃娃！唔知大家又點睇呢？
賈曉晨大方放囡囡正臉相
從賈曉晨擺上網啲相睇得到，小飯兜個樣甚得父母真傳，對眼又圓又大，眼仔碌碌咁，十分精靈！加上下巴尖尖咁，相信第日長大之後都會係一個靚女！
賈曉晨更留言：「親愛的寶貝，我們的小飯兜，從你出生、一周、滿月、百天、到現在半歲，媽咪時時刻刻陪着你，就怕錯過你成長的每一秒鐘，今天你半歲生日了，媽媽要跟大家一起分享這份快樂！希望寶貝身體棒棒的，每天快快樂樂，長大也是個樂觀快樂又聰明的好孩子。」
賈曉晨羨慕囡囡
事實上，賈曉晨之前都有擺囡囡啲相上網，但就唔係正臉。例如有一次，佢就只影愛女嘅半邊面，仲留言話好羨慕小飯兜長長嘅眼睫毛～
樊少皇與賈曉晨為愛女保持神秘
2016年，樊少皇與賈曉晨結婚。上年11月，賈曉晨就喺香港養和醫院誕下囡囡「小飯兜」，期後兩公婆一直都冇公開女兒嘅正臉，甚為秘密。
囡囡滿月，樊少皇同賈曉晨都冇俾小飯兜出鏡。
晒囡囡睇《延禧》跳舞片 JJ賈曉晨被網友鬧爆佢⋯
早前JJ公開「小飯兜」企喺BB床上煲熱爆劇《延禧攻略》嘅片段，「小飯兜」仲邊睇邊扭屁股跳舞，勁cute！
但有好多網友都質疑JJ將「小飯兜」擺得離電視太近，容易傷害BB眼睛，令佢有散光！
不過JJ都好快留言回覆網友：「就看了一會兒，關掉了」
一手食雞 一隻手抱女 賈曉晨：練了一身好本領
賈曉晨(JJ)當媽媽後，不時在網上分享湊女之日常，呢日佢就晒出一張抱住囡囡「小飯兜」食嘢相，相中見JJ一邊食雞翼，另一隻手就抱住囡囡餵佢飲奶，不愧係力王嫂！JJ就話：「練就了一身好本領，又當爹又當媽系列@樊少皇」
樊少皇屢傳欠債 原來被人出賣
澄清成件事嘅來龍去脈，直言今次事件係由一個由細玩到大嘅朋友而起，指老公借咗幾百萬俾人，但人哋冇還，反而令到自己被人追債，坦言好無辜之外，更令老公樊少皇名譽同金錢受到損失！
樊少皇再爆出被追債
現時35歲的賈曉晨（JJ）前年與46歲老公「力王」樊少皇結婚，並於上年11月誕下愛女。雖然丈夫一直有不少新聞，例如與JJ拍拖時被爆與前任女友育有一子一女，前年又被財務公司踩上JJ寓所追債200萬等，但JJ仍力撐老公！早前，再爆出樊少皇被匿名信追債一事！
匿名追債信誤寄
據報道指，樊少皇再被追數，爆料人因於信箱發現有一封信件，打開後嚇見追債字條，並指入面有樊少皇的相，及只寫著「欠債還$」的字句，但信件卻誤寄到爆料人的郵箱，才得悉此事。
另外，據知由於信件寫的是一個雙連單位，但冇寫幾樓，可能才引致誤寄一事。同時，有指之該住處亦有時會遇見過樊少皇，但最近就好少見到他，令事件更撲朔迷離。
JJ發聲力撐老公
對於樊少皇再次被指欠債，JJ則透過經理人回應，表示一直都知道有人周圍寄此追債信，有公司亦有收到，反指若然係追債，為何沒有留下聯絡方法？
同時，續指樊少皇之前幫一個品牌做代言，及後中間的公司收唔到客人錢，所以去追對方還錢，因此若然真要追債按道理會留聯絡方法，所以唔知發信人有何動機！
JJ亦發聲明撐老公，並在微博發文，留言：「我先生樊少皇沒有欠任何人債務，希望不法分子尊重法律，在此我向因不法分子對無辜受滋擾的朋友，還有我之前所代言合約早已到期的美容院道歉🙏🙏🙏！！！受滋擾的公司與人士已報警，相信警方已在處理，我先生也已將此事分別交給北京和香港律師處理，謝謝大家！」
即使再有追債事件爆出，但依然冇阻JJ心情，早前七夕，JJ亦有於個人社交網上載與老公的合照，相中還有愛女及家中愛犬，可見心情依然靚靚，並未因老公被匿名信追債所影響！
潛水避債
近年轉戰內地的樊少皇，除接拍劇集，更不時參與電影，密密賺經濟應不成問題！不過，2016年時有傳樊少皇去年尾向朋友借下二百萬應急，更要簽文件及於身份證文件上打下指模，以確認借貸之事！16年三月，有收數公司受委託，向樊少皇追討餘下欠款，有指樊少皇卻一直潛水唔接電話，令收數佬要四出尋人，最終直接去JJ將軍澳寓所拍門追數！
婚後先知欠債
有指JJ跟樊少皇於今年元旦結婚後，新婚不久先知老公欠下巨債，JJ得悉後晴天霹靂爆喊！據知樊少皇曾跟JJ解釋根本冇借人錢，只係為義氣幫朋友，點知後來對方反轉豬肚，結果樊少皇就咁搞到一身蟻！
JJ撐老公：佢先係受害者
對於老公樊少皇因欠債要簽文件，又要於身份證文件上打下指模一事，JJ表示：「據我所知，有人呃咗佢三百萬係真嘅，但我哋之前一路冇時間處理呢件事，但如果係咁，我哋會選擇報警。(要還錢？)冇人爭錢，仲要有人呃咗佢錢呀！(香港定內地發生)呢個唔講喇，我搵咗律師。(你一直知情？)我知有人呃咗佢，但你講嗰件事我唔知！」
