21歲譚旻萱Mandy成御用E女郎 Edan自肥再點名有原因

唯一獲「爵屎」認證E女郎

Edan和邱鋒澤的新歌MV推出三日已超過百萬點擊，譚旻萱在MV突然失約，Edan致電時她又冷冷淡淡，二人的感情發展到呢首歌都似乎未能開花結果。Mandy在拍攝花絮先戴頭盔話都唔想傷害Edan：「點解約咗人又唔去，又唔聽人電話﹗」Edan即搞笑話：「你係一個賤女人﹗」譚旻萱仍獲一班「爵屎」喜愛，留言以E女郎稱呼Mandy「E女郎同Edan好襯」、「Mandy做了御用E女郎，呢對CP最得人鍾意」、「希望Edan下首歌可以同Mandy係happy ending」等，亦有網民指Edan「識揀」、「又自肥」、「以為Edan公開戀情」﹗

譚旻萱在MV中出現的甜蜜合照道具﹗ — 在MV中出現的甜蜜合照道具﹗（圖片來源：IG@tmh_xd）

譚旻萱Mandy憑Edan呂爵安〈E先生〉MV爆紅靚樣獲讚似香香

Edan（呂爵安）今年1月時推出首支單曲〈E先生連環不幸事件〉MV上載未夠一個月，已有超過130萬次點擊率，帶挈MV女主角譚旻萱（Mandy）亦一炮而紅，譚旻萱入行僅一年多，憑住一副激似香香（岑麗香）及韓星朴敏英的靚樣，除了極速成為廣告界寵兒外，之前仲為Dear Jane拍過一個有Kiss戲的MV！

譚旻萱素顏都好高質﹗ — 譚旻萱的素顏都好高質，其IG的追蹤人數現時已升至4.1萬﹗（圖片來源：IG@tmh_xd）

譚旻萱Mandy 與Edan、Locker成好友

譚旻萱（Mandy）為MIRROR成員Edan（呂爵安）第一首單曲〈E先生連環不幸事件〉MV擔任女主角後人氣急升，IG在短短數日內就增加了數千名追隨者，在一個月內以倍數激增，她直言原本不認識兩位男主角Edan及Locker（林家熙），但因拍攝這部MV而令三人成為好友，她笑言：「唔知點解我哋三個好夾，個MV拍拍吓好似變成咗自己嘅回憶咁。」

譚旻萱Mandy憑Edan呂爵安〈E先生〉MV爆紅靚樣獲讚似香香 — Mandy直言因拍攝這部MV令她和Edan、Locker成為好友。（圖片來源：IG@tmh_xd）

Mandy憶述和Edan、Locker第一次見面是在試戲時，但她笑指當時感覺好自然，一啲都冇尷尬，反而係拍唐樓天台離別前喊戲時，令她最難忘同不捨，她表示因為導演有提過這場戲之後他們就不會再見面，所以望住這段關係一點一點咁崩塌，令她非常心痛和不捨，無論戲內定戲外都喊到停唔到。

提到有人將Mandy戲份剪走，二次創作出Edan與Locker的HeHe「走女版」MV，Mandy笑言完全唔介意，仲話：「佢P到毫無違和感，好正！我自己同朋友喺屋企睇，都笑到停唔到！」

入行成「寶礦力女郎」

Mandy在2019年加入模特兒公司STYLE，成為Angelababy（楊穎）及熊黛林師妹，之後拍過不少品牌廣告，包括專揀青春女星拍攝的「寶礦力」廣告，以及孖林德信演出的雪條廣告等。

拍Dear Jane MV獻初吻

Mandy去年也曾為樂隊Dear Jane同黃偉文合作炮製的歌曲〈哀的美敦書〉擔任MV女主角，在MV中她更有主動親吻MV男主角Daniel（模特兒宋瑞康）面珠的鏡頭，獲網友大讚樣貌清新標緻，演出亦十分自然。巧合的是她兩次所拍的MV歌曲都是由黃偉文（Wyman）作詞。

有俄羅斯血統

原來Mandy中五時已被模特兒公司的經理人睇中其IG相，大讚她五官好靚，所以透過IG私信聯絡Mandy，但由於Mandy父親反對，加上當時Mandy正在考公開試，其經理人用長達一年半時間說服了Mandy父親，直至Mandy中學畢業後才成功讓Mandy入行。有網民指Mandy似混血兒，Mandy答：「我係隔代混血，仲要係隔咗非常多代Mix俄羅斯、加拿大同香港。」

Mandy為專注幕前工作，放棄繼續升學，並修讀演技班，做模特兒入行的她直言希望將來朝演員之路進發，她說：「我好享受揣摩角色嘅過程，同埋代入角色嘅感受。疫情前我啱啱開始上演戲班，但因為疫症中斷咗，依家會喺屋企睇唔同嘅戲種，觀察當中嘅細節，希望疫情穩定後可以上番演戲班，進修演技，希望以後可以成為一個可以用演技感染觀眾嘅演員。」