譚嘉儀扮學生妹打卡犯日本人大忌網民狠批：別當失格的旅人

譚嘉儀地鐵打卡犯日本人大忌網民：別當失格的旅人

譚嘉儀連日來都頻頻於社交平台上傳日本打卡靚相，不過其中一張以學生妹造型於地鐵打卡相，就被網民發現犯下日本人禁忌。日本人最出名注重個人私隱，不過譚嘉儀只顧自己嗰靚樣，忘記為身後其他乘客「打格仔」，搞到網民都即刻留言指：「去到外地旅遊，許多時都會亂影一通，不過日本人很重視個人私隱，所以拍照時最好避免拍到陌生人。如果你想將拍到路人的照片上載至社交媒體，最好還是替路人『打格仔』。別當失格的旅人，日本乘地鐵必知禮儀。」

譚嘉儀譚嘉儀喺地鐵內打卡，但就冇將其他乘客「打格仔」，犯下日本人大忌。 — 譚嘉儀喺地鐵內打卡，但就冇將其他乘客「打格仔」，犯下日本人大忌。（圖片來源：IG@kayeepo）

急急刪帖重Po 網民卻狠批：「咩玩法？」

譚嘉儀聽從網民意見後急急刪帖重Po，不過就只簡單用卡通公仔貼紙遮住其中一位車廂乘客嗰樣，譚嘉儀做啲唔做啲，網民都留言質疑：「想問問左上方卡通人樣咩玩法」、「嘉儀，我覺得同頭先del咗嗰幾張photo，冇乜分別」。

譚嘉儀扮學生妹遊日本偶遇羅志祥小豬

譚嘉儀今次與陳樂榣及葉泓聲等人齊齊遊日本，除咗有份見證兩位戀人求婚嘅感動場面之外，仲上山下水又行街，行程非常豐富。譚嘉儀今次日本之旅更於日本街頭偶遇羅志祥小豬，即刻合照仲大讚對方：「真的好帥啊！」

譚嘉儀譚嘉儀仲係日本偶遇小豬。 — 譚嘉儀仲係日本偶遇小豬。（圖片來源：IG@kayeepo）

譚嘉儀扮到靚靚上山打卡。 — 扮到靚靚上山打卡。（圖片來源：IG@kayeepo）

譚嘉儀見證二人求婚過程。 — 見證二人求婚過程。（圖片來源：IG@ allychanlokyiu）

經常打卡打出禍曾扮貝兒入迪士尼涉違規

今次已經唔係譚嘉儀第一次打卡打出禍，之前曾經以一身黃色露肩晚裝造型，化身成《美女與野獸》中的貝兒公主入迪士尼，並笑言：「真係好大膽，30幾歲人，仲喺度扮公主呀！為咗拍Reels可以去到幾盡，有小朋友話：呢個公主假㗎！真係好尷尬」。然而有網民留言質疑成年人扮公主有機會違反園方規定：「成人係唔可以在樂園入面扮公主嗰喎，妳真大膽，違反樂園規定。」

譚嘉儀迪士尼譚嘉儀笑言：「真係好大膽，30幾歲人，仲喺度扮公主呀！為咗拍Reels可以去到幾盡。」 — 譚嘉儀笑言：「真係好大膽，30幾歲人，仲喺度扮公主呀！為咗拍Reels可以去到幾盡。」（圖片來源：IG@kayeepo）

譚嘉儀迪士尼譚嘉儀笑指：「有小朋友話呢個公主假㗎！真係好尷尬。」 — 譚嘉儀笑指：「有小朋友話呢個公主假㗎！真係好尷尬。」（圖片來源：IG@kayeepo）

譚嘉儀迪士尼譚嘉儀媽媽幫忙換衫。 — 譚嘉儀媽媽幫忙換衫。（圖片來源：IG@kayeepo）

譚嘉儀迪士尼譚嘉儀的姊夫幫忙收衫，真係抵得諗。 — 譚嘉儀的姊夫幫忙收衫，真係抵得諗。（圖片來源：IG@kayeepo）

迪士尼：有權拒絕他們進樂園

根據迪士尼官網的樂園規則，寫明「十六歲或以上的賓客不可以穿着裝扮服飾。對於我們認為衣著不恰當或有可能影響其他賓客的遊樂體驗的裝束，我們有權拒絕他們進入樂園，或要求他們除去我們認為不恰當的裝束。」較早前曾有網紅在迪士尼內扮演公主，被園方要求換衫，當時迪士尼回覆傳媒指不建議大家扮迪士尼人物角色，因為有機會被錯認為樂園演藝人員或樂園代表。