新歌MV 煲煙濕身上陣 謝安琪：以為有嘢燒燶咗
廣告
謝安琪(Kay)加盟麥浚龍(Juno)公司幻國旗下的第一首新歌《人妻的偽術》於上月中派台，唔講唔知，Kay對上次出新歌已經是3年前的事，所以今次即使拍新歌MV佢都好緊張，事前唔止做Gym操靚背部，仲學抽第一口煙，都只為求MV夠靚⋯
撰文：東方新地 ｜圖片：新傳媒圖片、Instagram-謝安琪、微博
新歌MV 煲煙濕身上陣 謝安琪：以為有嘢燒燶咗
早前Kay為了《人》的MV大為緊張，產後收身成功嘅Kay，本身身形已經fit爆，拍攝前三星期開始進食由營養師調配的餐單和跟隨私人健身教練操練，務求以最佳狀態示人。 不過對於Kay來說，最大的挑戰是應導演Juno的要求，獻出了入行十多年來的第一次。
為咗配合MV人妻孤寂嘅意境，Kay事前花咗4星期學習攞煙嘅手勢同吸煙姿態，到正式拍攝時阿Kay終於嚐到了人生第一口香煙嘅味道，佢笑住話：「Juno提出要我食煙，以呢一支煙，反映出歌詞中人妻嘅孤寂，我認真考慮了兩星期先答應。我亦上網睇咗好多男女演員吸煙嘅形態，連去旅行都帶住支煙練習。埋位時第一次點着支煙吸第一啖煙，我以為有嘢燒燶咗。」
當日Kay除了拍攝MV，更要拍宣傳照，差不多吸了一整包煙，工作人員不時遞上清水給她漱口。 對於加盟新公司的第一個MV，Kay由場景、服飾、造型都有份參與，她續說：「好感動所有同事好投入，拍攝前一日佢哋喺廠親手鋪地磚整道具到深夜。而Juno為我執導，消除咗我緊張嘅心情，亦令我想起當日拍《羅生門》嘅情景。」
