謝安琪宣布停工造人
廣告
謝安琪(Kay)穿性感開窿裙宣傳4月世界巡唱香港站，但同時卻無奈透露要暫延超過10場內地巡唱！佢表示因多個原因造成，有傳係佢被指前年於佔中期間到金鐘撐學生有關。對於內地巡唱暫停，Kay坦言係好大打擊，因未能同內地歌迷見面感內疚，更曾為此傷心喊爆！
Kay更表示完成巡唱後會放一年長假，陪伴家人：「我想珍惜同老人家以及屋企人相處嘅時間，同佢哋去多啲旅行。」而提到休息一年賺少千萬，Kay坦言只想珍惜同家人相處時間，亦不排除乘機造人！
期間好友方大同驚喜現身，送上香料籃子因為：「我幫Kay作咗首〈香女人〉，舞台上佢係香女人，知佢做完演唱會會休息一排，所以送呢個俾佢煮飯用。」問到時會否為Kay做嘉賓，方大同笑言：「我一定到，如果我可以嘅話。」
