關寶慧楊英偉狂數拍劇離譜事件簿堅持專業苦無人理

關寶慧：「女主角瞓覺時個妝好似大戲妝咁厚﹗」

演藝學院畢業的關寶慧及楊英偉，日前上 ViuTV《調查男女》，以「最憎的電視劇情節」為主題，關寶慧和楊英偉輪流數最看不過眼的電視台倒模式情節，關寶慧指出最憎是女主角永遠唔落妝，關寶慧講時好激動：「唔明點解女主角瞓覺時個妝厚到大戲妝咁，跟住講早抖就瞓，戴住三層眼睫毛就去瞓，永遠唔落妝，一起身又係厚妝﹗」關寶慧直指很難以令人接受，完全違背常理，她又透露拍劇時堅持要先落妝的經歷：「我死都要落咗個妝先拍嗰場瞓覺戲，我專業㗎嘛，過唔到自己，但你知啦拍親都係好趕㗎啦，我猛被劇組催，我死都要落，落咗個嘴已經不停被人催，但我堅持要落囉﹗」關寶慧指雖然自己為專業而堅持，但每次都得不到欣賞。

關寶慧關寶慧一輪嘴狂數「最憎的電視劇情節」。 — 關寶慧一輪嘴狂數「最憎的電視劇情節」。

關寶慧：「男主角係超人嚟無所不能﹗」

關寶慧繼續數令人討厭的電視劇情節，佢話：「男主角永遠係超人嚟，無所不能，乜都識，可唔可以貼地啲﹗唔好咁離地﹗」關寶慧之後再數：「唔明點解次次傾心事都要去海邊，喺咩年紀都約人去海邊傾偈嗰下離奇，我咁大個人未試過有人約去海邊傾偈喇﹗」關寶慧再數：「劇情永遠係個主角會突然收到電話話有事發生，不但會突然截到的士，個的士司機仲肯同你追車，然後仲要追到個目標﹗次次都咁啱，最慘係現實生活中永遠係截唔到的士囉﹗」

關寶慧楊英偉指最愛睇動作情節，但劇集中的男主角往往擁有不死身，「死極死唔去」令人睇得很抓狂。 — 楊英偉指最愛睇動作情節，但劇集中的男主角往往擁有不死身，「死極死唔去」令人睇得很抓狂。

楊英偉：「大結局就上天台BBQ，人人屋企都有天台㗎咩？」

楊英偉話最難頂情節是在天台BBQ，楊英偉話：「次次大結局都去天台BBQ，人人屋企都有天台㗎咩？仲有次次BBQ定打邊爐都無煙，唔係明火㗎喎，真係令人費解﹗」主持林曉峰和應：「每次一見天台BBQ就知套劇就快完﹗」楊英偉又話最憎主角擁有不死身：「死極死唔去﹗好難令人信服﹗」楊英偉繼續狂數：「專業人士喜愛夜蒲，醫生去酒吧都唔係好講得通，佢哋要返夜更㗎嘛，仲要坐埋唔係講醫院嘅嘢，而係傾感情事私人事，咁會令專業人士形像盡毁囉﹗」

關寶慧楊英偉話：「一對情侶排除萬難喺埋一齊，跟住就會有一個患癌症﹗仲要死時永遠容光煥發，個妝唔搞下﹗」關寶慧和應：「趕吖嘛，永遠拍嘢都係好趕好趕呀﹗」主持林曉峰和娟姐更當場示範楊英偉口中的最憎的電視劇情節，相當搞笑。 — 楊英偉話：「一對情侶排除萬難喺埋一齊，跟住就會有一個患癌症﹗仲要死時永遠容光煥發，個妝唔搞下﹗」關寶慧和應：「趕吖嘛，永遠拍嘢都係好趕好趕呀﹗」主持林曉峰和娟姐更當場示範楊英偉口中的最憎的電視劇情節，相當搞笑。

關寶慧關寶慧及楊英慧演戲經驗豐富，又曾效力無綫多年，日前孖住上ViuTV《調查男女》大數電視劇離譜情節。 — 關寶慧及楊英慧演戲經驗豐富，又曾效力無綫多年，日前孖住上ViuTV《調查男女》大數電視劇離譜情節。

關寶慧由力捧花旦淪為「爛片王」

關寶慧日前接受香港開電視節目狂脫水操肌《是敢的》訪問，分享了由出道初的力捧花旦淪為電影「爛片王」，繼而患上躁鬱、跌進人生低谷的經歷，談到去年終憑舞台劇《她媽的葬禮》奪得喜劇鬧劇最佳女主角獎，她直言：「當知道提名一刻我已經不斷流眼淚，當時我正揸緊車去探我媽媽，佢見到我時仲以為我畀人打劫！」

關寶慧關寶慧早前上開電視《是敢的》大爆演藝辛酸﹗ — 關寶慧早前上開電視《是敢的》大爆演藝辛酸﹗

關寶慧演小角色花盡心思搶鏡

入行30年的關寶慧自1990年演藝學院畢業後，便被無綫選中拍攝處境喜劇《我愛玫瑰園》，在劇中她只飾演顏國樑的秘書，既沒有對白、也沒有戲份，她惟有發揮小宇宙去「搶鏡」，她說：「每當有鏡頭拍到我，我就除鞋、瞓覺瞓到流口水，做一個好衰嘅秘書，終於有一日編劇發現咗我，特登寫一條故事線，講我同雷宇揚發展，之後我哋開始受歡迎，喺劇中成為好多人留意嘅一對。」

關寶慧入行30年的關寶慧自1990年演藝學院畢業後，便被無綫選中拍攝處境喜劇《我愛玫瑰園》 — 入行30年的關寶慧自1990年演藝學院畢業後，便被無綫選中拍攝處境喜劇《我愛玫瑰園》

關寶慧受無綫力捧之時，曾拍過《三喜臨門》、《大頭綠衣鬥殭屍》、《獨臂刀客》、《射鵰英雄傳》等多部重頭劇，不過在90年代中，關寶慧不甘由主角淪為三線演員，於是頻頻推劇，其後更絕跡電視熒幕，轉戰大銀幕，不過她在影壇並非一帆風順，拍過無數爛片的她自嘲是「爛片王」，更因此開始患上躁鬱，常常打牌紓緩情緒，她表示：「當時我因為拍爛片唔開心，於是去打牌，但輸咗更加不開心，一個循環令我愈來愈低谷。」

關寶慧由出道到得獎，關寶慧苦等28年，在演技上終於得到認同，她直言感激啟蒙老師毛俊輝，同時亦感謝家人支持，尤其是父親在臨終前仍鼓勵她，叫她要努力一點工作。 — 由出道到得獎，關寶慧苦等28年，在演技上終於得到認同，她直言感激啟蒙老師毛俊輝，同時亦感謝家人支持，尤其是父親在臨終前仍鼓勵她，叫她要努力一點工作。

患上躁鬱靠打牌舒緩幸得好友鼓勵終站起來

關寶慧因此開始患上躁鬱，常常打牌舒緩情緒，她表示：「拍爛片不開心，於是去打牌，輸了，更加不開心，一個循環，愈來愈低谷。」躁鬱症最嚴重時，關寶慧常常在家睡覺，最嚴重試過「長眠」30小時，幸好患病期間身邊有很多朋友的照料，尤其是劉喬方（前名：劉玉翠），不時買東西到家探望她，關寶慧表示：「好像去老人院探訪咁，她很好，不時安慰我，話我很適合做這一行，叫我不要放棄。」憑着朋友的支持及自己的信念，關寶慧在2001年終於走出躁鬱，並終憑舞台劇《她媽的葬禮》奪得喜劇鬧劇最佳女主角獎！