【調查男女】羅家英爆TVB遊戲節目獎品全是洗頭水 又爆汪明荃愛看ViuTV
羅家英爆汪明荃愛看ViuTV
ViuTV全新遊戲節目《調查男女》，由林曉峰及練美娟主持，每集邀請一男一女做嘉賓。第一集邀請了羅家英做嘉賓，當中家英哥大爆，阿姐原來愛看ViuTV！
後來周家蔚問到有無見過最好笑嘅獎品，家英哥就話有次現遊戲贏得冠軍，可以喺一堆獎品入面抽其中一份，點知抽中洗頭水。後來家英哥行去後面偷睇其他獎品，發現全部都係洗頭水。
家英哥表示覺得被玩，更話當年自己已經係光頭，最後拎住廿幾萬洗頭水返屋企，唔知汪阿姐而家用晒啲洗頭水未呢？
其實家英哥講嘅節目好有可能係曾志偉主持嘅《超級無敵獎門人》，當年呢個節目好經典收視又高，請到好多紅星做嘉賓玩遊戲，而家英哥早年不下上過一次《獎門人》，贏過架車，亦都贏過廿幾萬洗頭水…
每集獎金及獎品總值過百萬？
《超級無敵獎門人》係90年代極受歡迎嘅遊戲節目，節目一開始就會播出呢句：「本輯節目獎金獎品非常豐富，獎金及獎品總值過百萬，其中包括有……」勝出嘉賓會獲得豐富禮物﹐咁到底歷年來送過啲乜？有網友話以下呢10份係經典中嘅經典，唔知你哋又記唔記得？！
1.)加太賀日式料理送出花之戀壽司20,000件，價值$610000萬
2.)EDO巨浪大切薯片總值1萬元
3.)挑戰者送出汽車美容禮券總值6萬4000蚊
4.)FX CREATIONS流行皮具系列總值三十萬
5.)元綠餐券十萬及現金獎一萬
6.)東莞柏寧長安國際酒店送出總統套房住宿及餐飲禮券總值六十二萬四千
7.)Veeko流行時裝專門店送出既現金券連獎品
8.)億世通送出家電產品
9.)Saint Jack皮具系列
10.)Mirabell流行皮具系列
洪天明唔係最強「獎金獵人」
而網絡紅人King Jer喺2017年曾經統計拎得最多獎金獎品的嘉賓是洪天明，他上過25次獎門人，更被冠以「獎金獵人」稱號。之但係根據非正式統計，有指洪天明其實上過32次獎門人，其好友吳家樂比天明上一次獎門人，合共33次！
洪天明出現次數未算最多⋯
每集嘅贏家得到獎品非常豐富，當中有2萬件的花之戀壽司及2萬盎龜苓膏，有網民質疑係咪報大數，但吳家樂證實奬品數量係真嘅，佢話係做完節目收到大疊coupon送畀嘉賓，而佢哋都會同其他嘉賓、節目的工作人員、清潔姐姐、化妝間同事齊齊分享，而他又曾贏過嘅一部50吋的電視機，因為即晚拎唔到走。
網民指洪天明未食晒2萬件「花之戀」
今年4月1 日，有網民惡搞洪天明，根據維基上有關洪天明的資料顯示，指「洪天明曾在遊戲中，勝出二萬件花之戀壽司，多國元首下令勢必不惜一切奪回這兩萬件花之戀，洪天明大驚，結果得獎當晚花了十小時，最終成功把兩萬件花之戀吞到肚子內。」而在演藝生涯一欄中，最新報告指洪天明尚餘156年花之戀仍未食完。另外，網民亦將12年洪天明家中被爆竊一事，與壽司拉上關係，指當中失竊財物包括8964年花之戀。不過據維基網頁顯示，該頁面曾於當日上午5時多被修改，相信是網友趁愚人節跟洪天明開個玩笑。
