內地三視頻巨頭發聲明 警告抵制高片酬明星…
廣告
騰訊視頻﹑優酷網同愛奇藝作為內地三大視頻巨頭，近年推出的電視劇﹑偶像劇和綜藝節目等都大受歡迎，當然亦帶來了巨大收益。不過最近不時都傳出有明星開天價片酬﹑自改劇本﹑搵替身拍攝Key圖等耍大牌行為，真係學任達華話齋，成個演藝圈俾你搞彎晒啦！
撰文：東方新地｜圖片：微博、網上圖片
內地三大視頻糾正行業行為
內地三大視頻巨頭騰訊視頻﹑優酷網同愛奇藝齊齊發聲表明，揚言要抵制一些藝人提出的不合理要求，糾正現時不乎合標準的行業行為，並對提出唔合理要求的明星表明要謹慎聘用！三大巨頭同聲同氣發聲明，可見除了情況嚴重外，呢啲不合理要求似是日漸增加…
三大視頻聯合發表聲明
講到底，三巨頭都係為咗將來內地會有更好的影視體制，所以講到明要將要控制演員片酬在合理成本範圍內，杜絕演員亂改劇本、干涉導演拍攝﹑決定演員搭配等，但最重要係要對出工不出力的演員建立一個黑名單，並要謹慎聘用！
網友大力支持
聲明一出，唔少網友都大表支持，更開出自己心中名單，直指呢類演員就係趙麗穎﹑Angelababy﹑鹿晗等……其實，時不時都有傳明星以天價接戲，例如有指鹿晗第一次拍的電視劇《擇天記》就已經收一億人民幣片薪、Angelababy拍《孤芳不自賞》係用替身拍再Key圖等傳聞。
