見證許志安受洗 鄭秀文：人生中其中最快樂嘅事！
廣告
2005年鄭秀文(Sammi)拍完電影《長恨歌》後曾患上抑鬱症，情緒一度受困擾，幸而得到朋友及信仰支持，Sammi走出陰霾慢慢康復過來，所以身為虔誠基督徒的Sammi亦希望自己的信仰，能感染身邊的親朋好友，在今年1月Sammi見證了父母洗禮，到聖誕節之前佢再見證丈夫許志安及好友雷頌德嘅在港福堂受洗儀式，相信對Sammi嚟講，呢件係最好嘅聖誕禮物！
撰文：東方新地
圖片：新傳媒圖片庫，鄭秀文、許志安、梁家玉Instagram
許志安 聖誕前受洗
2005年鄭秀文(Sammi)拍完電影《長恨歌》後曾患上抑鬱症，情緒一度受困擾，幸而得到朋友及信仰支持，Sammi走出陰霾康復過來，而喺2011年Sammi和安仔復合後，Sammi就帶埋安仔一齊返「港福堂」教會，同年年底安仔已決志信主，直至12月17日安仔決定受洗成為真正嘅基督徒。
鄭秀文：人生中其中最最最最快樂嘅事！
身為虔誠教徒的Sammi感染了結婚四年的老公許志安信主，Sammi特別揀喺聖誕節在社交網貼安仔受洗短片，她留言道：「呢個係我人生中其中最最最最快樂嘅事。呢種快樂，深到不知如何形容。分享呢條片並不是要放甚麼閃，而是帶着最大的喜悅分享這個時刻。」
Sammi喊住拍片
10年前的12月9日，Sammi在同一地點受洗，老公安仔喺同一個月份、同一個地點受浸，Sammi感受甚深，負責話拍片的她自言激動到喊，手都震埋，所以拍得好差，Sammi寫道：「呢種快樂，是來自心靈上、精神上和靈魂上的，沒有其他快樂可以比擬。安仔受浸了，我再沒甚麼需要擔心他，因為天父會帶領他的每一天。」
雷頌德夫婦 同一日受洗
早排雷頌德夫婦喺IG上載受洗嘅片段，仲話感謝Sammi帶領佢哋信主，原來佢哋同安仔同一日受洗，而煮食好叻嘅Mark嫂，仲整咗啲十字架形嘅餅送畀好友們，相當有心思。
