袁偉豪率八女星北上搵真銀

袁偉豪及許紹雄最近率八女星萬綺雯、陳自瑤、蔡思貝、呂慧儀、陳庭欣、陳倩揚、龔嘉欣同林欣彤北上為一樓盤做剪綵嘉賓，齊齊搵真銀！吸引幾百fans圍觀，認真墟冚！

唔知係咪配合內地需要，班女星衣着認真麻麻，其中以蔡思貝、陳自瑤及呂慧儀打扮最娘！

蔡思貝呢條藍色娃娃裙顏色暗淡冇星味，加上映到佢似大肚婆，雖然晒肩及腿，但裙款實在太娘完全唔掂！

索媽陳自瑤雖然穿淑女露肩peplum裙，可惜花圖案及鞋真係好有強國味，大煞風景！

呂慧儀呢條裙太多褶質地cheap，而且鞋款又似深圳貨式，最慘係束起髮型，髮鬢嘅頭髮吊吊揈，睇落好似楊過呀！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk