養生好識食 素顏薛芷倫幫襯有機食品
廣告
見親薛芷倫都係化行妝set行頭全副武裝上陣，查實Ball后都係人一個，都要食飯都要買餸，雖然出街依然對sharp醒顏色情有獨鍾，桃紅色cap帽、鮮紅色全身運動裝，再襯埋個鮮黃色保時捷座駕，不過平時出街買日用品，原來薛芷倫都會。
撰文：東方新地 圖片：新傳媒圖片
素顏薛芷倫幫襯有機食品
曾經患上癌症接受過化療，更搞到面目全非靚樣不再，相信沒有人比執番條命嘅薛芷倫更明白生命寶貴嘅道理。所以買日用食糧，薛芷倫都專登走去綠色有機零售店一袋二袋大舉入貨，口痕時想食個甜品，都好識食專門走去銅鑼灣老牌南貨舖買馳名湯丸！咁又係，人一世物一世，食入口點可以唔對自己好啲！
幫襯綠色有機店舖
曾經大病一場，薛芷倫都好注意身體食得健康，全部乾貨穀物都係幫襯綠色有機店舖買，大舉入貨完畢，便將戰利品放上保時捷座駕後揸車回家。
又會咁有緣，隔兩日又見Ball后出巡，雖然都係同一套運動裝，不過今次化咗淡妝，專程走去銅鑼灣幫襯老牌南貨舖買馳名湯圓。
