蕭徽勇

「Gordon哥哥」蕭徽勇不獲續約離巢TVB 受訪公道為舊公司講好說話

最新娛聞
Keith

廣告

TVB向配音組開刀，多位配音員都不獲續約，就連兩年前正式轉簽為配音員的綠葉王「Gordon哥哥」蕭徽勇都冇得留低，於年初結束23年賓主關係。蕭徽勇離巢後轉行揸的士，日前接受訪問開腔為TVB辯護，力撐TVB為一家好公司。

蕭徽勇不獲續約離巢TVB 轉行揸的士

蕭徽勇今年年初在社交平台宣佈正式與TVB結束23年合作關係，並發文感謝TVB的養育之恩，叫一班網民都感到非常可惜。蕭徽勇日前接受媒體訪問，表示原先考的士牌照只為買個保險，到最後決定不續約TVB後，才正式轉行揸的士。

蕭徽勇 蕭徽勇日前接受傳媒訪問，分享離巢後的生活。（圖片來源：YouTube@HKPAG 香港演藝人協會）
蕭徽勇日前接受傳媒訪問，分享離巢後的生活。（圖片來源：YouTube@HKPAG 香港演藝人協會）
蕭徽勇 蕭徽勇今年年初宣佈離巢，離巢後轉行開的士，但依然間中出席活動。（圖片來源：IG@gordon.siu）
蕭徽勇今年年初宣佈離巢，離巢後轉行開的士，但依然間中出席活動。（圖片來源：[email protected]）

蕭徽勇訪問力撐TVB係好公司

當被問到會否對舊公司懷恨在心，蕭徽勇就連聲否認，指很慶幸自己能夠在TVB浸淫多年，無論幕前幕後都有機會涉獵過，對在外拍電影或配音都有幫助。就此，蕭徽勇真誠地表示感激TVB的栽培，並直指不明白為何離開就要鬧公司，自己就冇嘢鬧，反而認為公司係無辜的。

蕭徽勇 蕭徽勇《放學ICU》的「Gordon哥哥」係90後的回憶。（圖片來源：TVB）
蕭徽勇《放學ICU》的「Gordon哥哥」係90後的回憶。（圖片來源：TVB）

「綠葉王」蕭徽勇代表作超多

蕭徽勇在2001年參加第17期藝員訓練班加入TVB，除了擔任過兒童節目《放學ICU》的「Gordon哥哥」之外，在演戲方面亦飾演過多個經典綠葉角色，包括《十八年後的終極告白》的鬼仔強、《降魔的2.0》的士司機黃志龍等。蕭徽勇在2008年正式被調入配音組，更曾擔任《好聲好戲2》的評判。

蕭徽勇 蕭徽勇雖然係綠葉王，但代表作好多。（圖片來源：TVB）
蕭徽勇雖然係綠葉王，但代表作好多。（圖片來源：TVB）
蕭徽勇 一度轉做配音員。（圖片來源：IG@gordon.siu）
一度轉做配音員。（圖片來源：[email protected]）

蕭徽勇60日成功減去100磅

睇《放學ICU》大嘅小朋友個個見慣肥騰騰嘅哥頓哥哥，蕭徽勇曾經真係愈食愈肥，體重一度超過300磅，直至2017年中因為胃痛入院，發現血壓高到有機會中風，終於開始正視問題為身體健康而減肥。結果通過蔬果汁斷食餐單再加埋勤做gym，六十日成功減去100磅。

蕭徽勇 蕭徽勇依家瘦咗又健康咗，差啲認佢唔到。
蕭徽勇依家瘦咗又健康咗，差啲認佢唔到。
蕭徽勇 左邊二百幾磅，右邊一百幾磅，蕭徽勇憑毅力成功搣甩成百磅。
左邊二百幾磅，右邊一百幾磅，蕭徽勇憑毅力成功搣甩成百磅。
蕭徽勇 哥頓哥哥紀錄了呢四年間的歷史見證，瘦咗又靚仔咗。
哥頓哥哥紀錄了呢四年間的歷史見證，瘦咗又靚仔咗。

圖片來源：YouTube@HKPAG 香港演藝人協會、TVB、[email protected]

熱門文章