蔡思貝直認被問價公開短訊內容 自爆心動飯局價:用嚟睇心理醫生
廣告
林盛斌和江美儀主持的《Mean Talk》請來情同姊妹的蔡思貝、賴慰玲和何雁詩,有人肉發電機稱號的蔡思貝,獲姊妹們為她平反,蔡思貝指外界對她誤會甚深,親揭娛樂圈問價真相,直認曾被人開出二百萬,更當眾公開問價短訊內容,蔡思貝都不為所動,同時開出一個會令她心動的價錢﹗
文:東方新地|圖:《Mean Talk》節目截圖、蔡思貝IG
蔡思貝自爆曾被開價二百萬
《Mean Talk》訪問中,主持問蔡思貝有冇被人問過價,蔡思貝、賴慰玲和何雁詩都表示收過,而且唔止一次。賴慰玲亦指曾收問價訊息:「會send訊息嚟問一晚幾多錢?」何雁詩亦表示:「亦收過有係幫老細問飯局後有活動,要我開價錢﹗」
蔡思貝直認不諱:「禽日先被人問完﹗我仲cap咗圖﹗」隨即把被問價短訊內容公開﹗江美儀話:「二十萬過夜價出手低,二百萬就話啫﹗」蔡思貝即答的確曾有人開價二百萬﹗
蔡思貝公開被問價短訊內容
林盛斌問大家咩價錢大家會有心動呢?蔡思貝問對方質素點先?江美儀表示唔論樣貌只睇價錢,賴慰玲開出二億價錢:「因為我會一世眨低我自己﹗兩億係好誇張,係用嚟彌補心靈創傷﹗」
蔡思貝:一定係億億聲
江美儀問如果對方真係肯付二億呢?賴慰玲:「咁咪諗囉﹗」蔡思貝亦點頭和應指二億會考慮,認同這個價錢會心動:「一定係億億聲﹗總之幾千萬冇可能心動,睇心理醫生都唔止呢個價啦﹗真係﹗彌補唔到心靈創傷,一世唔會去到超開心﹗」