停搞人夫轉攻鮮肉 蔡思貝咬實余德丞
明知姣人夫會令自己形象掃地，最近蔡思貝明顯收斂想洗底，不過收兵習性未變改，去年與余德丞拍旅遊節目一撻即著，乖仔小鮮肉易氹易處理，好使好用隨傳隨到，一於咬實唔放。早前在將軍澳電視城出席完活動，蔡思貝坐余德丞車離開，見她除晒鞋在車廂內大晒美腿，對住頭號貼身兵，隨便到一個點，毫無矜持勁失禮。
撰文：東方新地 圖片：新傳媒圖片、Instagram
蔡思貝 咬實余德丞
有一種「姣」叫蔡思貝，姣技比演技出色的她，入行以來緋聞不絕，與他合作過的男演員都大讚她為人率真爽直，結果墮入姣網不能自拔，即使早年與排舞師麥秋成拍拖，蔡思貝一樣有殺錯冇放過，有傳中招者包括人夫王浩信，以及當年未婚的羅仲謙、有拖拍的洪永城及張振朗等。蔡思貝前年拍劇集《踩過界》與王浩信過從甚密，令本來觀眾緣已麻麻的她形象更加有跌無升，靜了一排以為她會改過自新專注事業，原來本性無變，只是對象卻由人夫變成鮮肉。
乖仔變蒲友
據知情者透露：「思貝瀨過咁多次嘢，佢都唔想形象再差落去，始終都要繼續喺無綫生存，再搞人夫分分鐘冇監製肯用佢，舊年開始佢刻意洗底，不過忍得一時又重施故技，改向啲後生仔埋手囉！之前佢試過同周志文行得好埋，跟住仲有大隻仔溫家偉，不過 時間耐咗啲仔知道自己根本冇行，唔想再嘥時間做佢隻兵。去年同 余德丞主持旅遊節目《緬甸奇幻旅程》，日對夜對返到香港又玩埋咗，思貝貪余德丞夠聽話，可以任佢點，本來余德丞好乖仔好少夜 蒲，識咗佢之後就成日成班人出去玩，仲玩到三更半夜，舊年余德 丞趕緊劇都成日出去陪思貝，後來打波出事入ICU，思貝不知幾緊 張，當晚就仆去醫院，不過余德丞媽咪就對思貝印象唔多好，覺得 佢係啲冇厘正經嘅女仔，好反對個仔群佢咁多。」
甜過豬年
蔡思貝與余德丞一齊出席新春商場活動，合唱〈一事無成〉時雖然一度唱錯歌詞兼甩嘴，但拖晒手又咬晒耳仔，情意綿綿。
冧出面
玩遊戲時余德丞為蔡思貝穿上斗篷，打結時差點面貼面都唔會面紅，雙方仲表現得好冧。
公開見家長
最後余德丞大步檻過，與蔡思貝更加患難見真情，而無綫亦見他們的情侶檔 受歡迎，近月不時安排二人出席公開活動及商場騷，有錢齊齊搵。農曆新年期間，蔡思貝與余德丞到尖沙咀出席新春商場活動，當日雙方家長都在場，只見余德 丞母親對住蔡思貝及其父母木無表情，雙方 未有任何交流，對於被在場傳媒邀請雙方家 長一齊大合照，余母勉強地影完相即彈開， 顯然並未接受蔡思貝。蔡思貝表示余德丞與其父母早已見過面，早前唱K為活動練歌時 母親也在場，更透露母親大讚男方識氹人、 充滿陽光氣息及懂照顧人，但當余德丞被追 問母親對蔡思貝的印象？他只說：「媽咪冇反應，可能比較怕醜。」
余母棒打
自余德丞去年出事入院後，余母不時陪住愛兒出席活動，面對粉絲余母笑得好開心，對住蔡思貝卻未見有表情。
反而余德丞與蔡思貝父母看似很熟絡，余更走去捉住蔡父手拜年，祝他「身體健康」！
雙方家長零交流
蔡思貝與余德丞在台上卿卿我我時，雙方家長在台下卻從沒交談與眼神交流。
被迫合照
被在場傳媒發現雙方家長都在場要求合照，眾人被迫埋位， 蔡思貝父母都笑得好燦爛，余德丞母親相對有點牽強。
母親以行動來表示對蔡思貝不滿，余德丞左右做人難，然而見到女神卻情不自禁流露愛意，當蔡思貝在台上唱歌時，余德丞在台 邊如癡漢般用手機拍低，其後又唱情歌〈我的宣言〉冧爆蔡思貝，二 人不停打情罵俏，蔡思貝大讚余德丞唱歌好聽又好冧，聲言會對他加分，更作狀撒嬌問余德丞：「愛的宣言係咪對我講㗎？」
翹手出場
早前蔡思貝與余德丞在將軍澳電視城出席活動，情侶檔翹住手出場，溫馨程度同真情侶拍拖無分別。
拖手影合照
當日活動後，二人行到去電視城一僻靜角落，即放下戒心泊埋牆影拖手合照。
私底下更隨便
蔡思貝兵多人不怪，余德丞被她電到暈得一陣陣，當局者迷不願抽身，母親的反對亦起不了太多作用。二人在公開場合都明目張膽調情，更何況私底下的無人狀態。日前余德丞與蔡思貝返將軍澳電視城出席宣傳活動，翹住手出場只是碎料，活動後二人走到電視城的僻靜處手拖手影合照放上社交網，之後蔡思貝坐上余德丞的車離開。
旁若無人
蔡思貝與余德丞外形相襯，沉醉於二人世界時完全旁若無人，對住女神思貝，余德丞似飲下迷湯一樣，長伴左右甘心做兵，而蔡思貝掛住篤手機冇乜理會。
車廂玩腳挑逗
這日蔡思貝自己冇揸車，由余德丞做司機載她離開無綫，上車後即自動除鞋，把雙腳放上車頭撐住擋風玻璃位置，清楚看到她穿著藍色襪子。
這日身穿黑色連身短褲的蔡思貝，露出一雙蜜糖色的健康長腿，非常養眼，上車後她即脫下短靴，把雙腳放上車廂內的車頭位置，可以想像到玉腿橫陳的畫面，坐在司機位的余德丞應該大飽眼福，但同時亦有機會不能專心駕駛。蔡思貝全程在車廂內玩腳，直至車駛出將軍澳隧道仍保持同一姿勢，看來 在余德丞身旁，她已肆無忌憚，把女性應有的儀態與矜持拋諸腦後。身為無綫當家旦，蔡思貝為人隨便愛媾仔的形象實在太過深入民心，江山易改，本性難移，氹仔出姣功嗲功百發百中，洗底都係得個講字，先有人夫後有鮮肉，唔知玩厭咗下一個目標又係咩呢？
行至將軍澳隧道內，清楚看到蔡思貝玉腿橫陳，余德丞則玩住手機揸車，真係好危險。
姣精No.1
蔡思貝入行以來被冠以「人肉發電機」稱號，與她合作過的男藝人大部分都會中招 ，當中不乏人夫及別人男友，包括：崔健邦、洪永城、溫家偉、沈震軒、羅仲謙、 張振朗、王浩信、周志文，鄭俊弘等。
羅仲謙
當年拍無綫劇《衝線》，蔡思貝被踢爆不時向羅仲謙放生電兼約宵夜，擺明向視后楊怡「下戰書」。
陳展鵬
當年陳展鵬未識單文柔，曾被本刊斷正與蔡思貝拍拖整車，之後再返回男方屋苑短敍。
張振朗
蔡思貝拍《踩過界》 時與張振朗玩得太癲傳出緋聞，二人異口同聲表示沒有發展機會，大家只會是兄弟。
洪永城
蔡思貝曾相約洪永城在西貢運動場私會，熱身時更中門大開、擘大對髀，對住洪永城又開又合，成個運動場只有兩人的嘻呵哈嬉笑聲，被指跑步為名，調情為實。
王浩信
有傳拍《踩過界》時暗撻人夫王浩信，被爆孤男寡女匿埋「開房」打邊爐，二人關係曖昧，男方又被指曾隻身駕車去蔡思貝獨居的北角寓所，短敍兩個多小 時才離開。
病後勤健身
大病後的余德丞，逐步恢復做運動，這日醫肚後與男友人一齊去健身，余德丞狀態已回復得七七八八。
早前余德丞與母親及一男一女好友到銅鑼灣食午餐，雖然有家底是郭富城鄰居，但余德丞母子幫襯平民麵店一樣食得好開心。
黐媽乖仔
雖然已29歲，但余德丞在母親心目中仍是長不大的乖仔，為免兒子跟錯人學壞，余母近月經常跟到實。
蔡思貝與張衞健合作拍《大帥哥》演技被指有進步，不過都唔夠佢媾仔咁有成績。
懵盛盛做兵
面對青春無限，電力充沛， 在電視城姣名遠播的蔡思貝，余德丞好明顯入世未深，對她毫無抵抗力。自合作拍完旅遊節目，二人近半年過從甚密，蔡思貝不時在社交網上載與余德丞的傳情合照，再加上擺到明有挑逗性的留言，余德丞以為有機做正印男友，但原來懵盛盛做兵。
港姐收割機
余德丞形象乖仔正面，血氣方剛正值求戀期，鍾意識女仔亦無可厚非，除了蔡思貝與御用化妝師 Chloe，亦曾與港姐劉穎鏇及麥明詩傳過緋聞，所以有港姐收割機之稱。
前年拍攝《誇世代》有傳搭上十優港姐 麥明詩，更被影到一杯雪糕兩份食，余德丞否認：「麥明詩又靚又叻，我高攀唔起！」
有傳曾力追劉穎鏇，余德丞夾晒口供 話鍾意運動型女仔、劉穎鏇就話唔鍾 意男朋友太大隻。
去年被本刊影到與御用化妝師Chloe甜蜜拍拖行街，關係非淺。
延伸閱讀：
蔡思貝 凌晨孖余德丞迎接情人節！
蔡思貝同余德丞（Dickson）由旅遊節目《緬甸奇幻旅程》開始，已傳二人撻著，Dickson上年踢波突然昏迷送院，思貝更係第一時間飛奔醫院探望對方嘅人，之後一直都以緋聞情侶姿態示人。直到12月初，Dickson在ig貼出合照，留言表示：「人與人之間嘅關係就係咁奇幻」，令這段緋聞更加疑幻疑真！早前情人節二人再次在社交網上放閃，似係想公開戀情！
蔡思貝隔空示愛
之後余德丞康復出院後，蔡思貝於個人社交網上載多張與他的合照，並留言：「With the right person,(POO) in life become tastier, sometimes even enjoyable」意指與對的人一起，生活就會變得更好，甚至會更愉快，未知係咪想借機暗示與余德丞撻著咗呢？
另外，蔡思貝除咗留言外，仲Hashtag話finding the one、blessed、for real等字出現，令傳言更顯得撲朔迷離！令唔少人都覺得蔡思貝講緊嘅係當時企喺佢身邊嘅余德丞！
有網友就懷疑佢同余德丞係因為去完緬甸拍節目而成功撻著，唔知係咪真嘅呢？
二人拍節目撻著？
早一排，蔡思貝孖住余德丞去到緬甸拍攝旅遊節目《緬甸奇幻旅程》，二人除咗介紹當地著名景點、品嚐當地食物外，更不時會打打鬧鬧，二人互動十足！
有次蔡思貝分享佢同余德丞一齊係緬甸搭船嘅相，二人除咗做出電影鐵達尼中男女主角嘅招牌動作外，仲留言：「幸運同幸福只有一步之距」唔知蔡思貝搵到帶俾自己幸福嘅另一半未呢？
據知，拍攝節目期間，二人曾一齊被困緬甸山頭長達9個鐘。拍完節目之後，仲係咁傳出緋聞添！
最近，余德丞仲呻爆蔡思貝唔得閒應約食飯同做運動，究竟佢兩個依家係咩關係呢？
蔡思貝 同余德丞襯「情侶裝」
余德丞8月8日晚與朋友在西營盤中山紀念公園球場踢波，其間疑身體感不適到場外長椅休息，未幾突然暈倒，其後由救護車送往瑪麗醫院搶救，情況一度非常危殆。之後Dickson住院近一個月，終獲醫生批准出院，昨日 (23日) 更首次公開現身，孖住蔡思貝一齊出席活動，兩人喺活動上同樣著上黃黑色打扮，似足情侶裝！
喺台上兩人更「打情駡俏」，Dickson笑言：「我一醒番你就短髮，差啲唔認得你！」之後Dickson更單膝跪地，向蔡思貝送上一紮以蔬菜紮成嘅「花束」，場面好似求婚一樣。
問蔡思貝呢日佢哋係咪以情侶檔身份出騷？佢話：「係好朋友身份！」更感情表示：：「佢暈咗時我好震驚，即刻趕去醫院，我發現自己好珍惜呢個朋友，可以話友情升溫！」Dickson聞言即向思貝講「對唔住」。
余德丞：醫生話我係心律不正
Dickson就親自憶述昏迷當日嘅情況：「當時踢踢吓波有啲眼瞓，咪出咗場邊休息，跟住就瞓着咗⋯⋯之後醒番，其他嘢完全冇印象，係聽媽咪講我瞓咗兩、三日，醒番就認得屋企人，雖然唔係落到床咁誇張，但真係奇迹嚟！醫生話我心臟亂跳，即係心律不正。」
講到外表瘦咗唔少，Dickson直言：「其實體重差唔多，醫生叫我呢兩個月唔可以做劇烈運動，淨係可以踩吓室內單車，我咪睇吓波先，踢波就出年先再踢。」講到大病過後嘅得著，佢就話：「個人慢活啲、珍惜生命同朋友，以往一句『祝你身體健康』好似冇乜嘢，但經歷過先知一切唔係必然！」
台下有唔少fans到場為Dickson打氣，Dickson藉機感謝喺佢患病期間幫助過佢嘅家人、朋友同fans：「好多謝我媽咪同埋啲親戚，因為我喺醫院嘅時候一日三餐都照顧得我好好，喺昏迷期，都有好多人嚟探我，我好多謝佢哋，就算無嚟醫院嘅我都多謝你哋啲訊息，仲有啲粉絲DIY卡、拍嘅片，同埋全香港嘅市民又為我集氣令到我醒返！」
第一次見家長
呢日蔡思貝父母都有到場參觀活動，見到Dickson向蔡思貝「求婚」嘅場面，蔡媽媽即場拍晒手掌，原來Dickson第一次見蔡思貝父母，呢對緋聞情侶更唔介意同蔡父蔡母一齊合照影「全家幅」。
蔡思貝笑言：「我十個有九個朋友都見過我爹哋媽咪，我爹哋媽咪好開通，好鍾意同我啲朋友打成一片！」Dickson即刻話：「係咩？咁我都過去同佢哋打成一片先！」
此後二人常常以情侶檔出席活動，甜蜜程度真係似足真情侶！
而去年11月30日Dickson在IG上載了兩張與思貝的合照，其中一張相他合埋眼做咗個冧爆嘅表情，將個頭挨落思貝膊頭，Dickson更留言都相當令人充滿遐想：「人與人之間既（嘅）關係就係咁奇幻 佢鐘（鍾）意睇書 我鐘（鍾）意睇波 佢鐘（鍾）意刺激 我鐘（鍾）意舒適 佢唔鐘（鍾）意俾人控制 我鐘（鍾）意控制人 可能就係因為咁 當我亂咁噏當秘笈 佢會講埋我份台詞 當我認真同人溝通緊 佢會係汁（側）邊輕鬆慢慢等 下刪一千字」言語有啲曖昧，唔少網友話佢哋合襯高呼佢哋不如在一起！
蔡思貝、余德丞孖住過情人節
而昨日係情人節，佢哋又放閃，呢次係更閃！Dickson上載兩條片去社交網話要為今個月6日剛剛過了28歲的蔡思貝補祝生日，但睇真啲，佢哋其實係一齊孖住過2月14凌晨！
Dickson先自拍唱生日歌，最初搞笑地祝自己生日快樂，其後鏡頭一轉見蔡思貝聽住Dickson唱生日歌，一路甜笑一路許願仲嗲爆話：「許願要許好耐㗎！」之後Dickson趁蔡思貝瞇眼許願時偷偷吹咗佢嘅生日蠟燭，蔡思貝冇嬲之餘又係咁賣萌！
其後蔡思貝亦有轉發片段，並說：「BLESSED WITH錫我的人。」嗌Dickson做「錫我的人」，加埋個紅色心心，網友都話思貝生日過咗咁耐先嚟切Cake，問佢哋係咪假補祝生日真慶祝情人節喎！
