蔡少芬張晉細女幼稚園畢業 化身可愛天鵝小公主

撰文：東方新地｜圖片：張晉微博

蔡少芬張晉細女幼稚園畢業

近日，蔡少芬同張晉5歲嘅細女信兒幼稚園畢業，做爸爸嘅就喺社交網發文：「今天是信兒（包子）在幼兒園的最後一天，一眨眼就兩年了，還真有點兒捨不得。不過暑假後就能和姐姐背着小書包，手牽手一起上學放學啦，內心也挺期待的」。

其後，更po出同老婆蔡少芬一齊送信兒番學嘅相，見到信兒着住白色天鵝裙兼頭戴皇冠，成個小公主咁，幾可愛！

蔡少芬張晉為細女大搞生日會

早前，張晉細女5歲生日，大搞生日派對之外，仲留言指：「時間過得太快了，信兒5歲了。爸爸，媽媽，姐姐都愛你，寶具兒生日快樂！」，言詞間流露對女兒嘅愛。

喺生日派對中，張晉更同囡囡錫錫，可見父女情深！

為配合主題，兩公婆仲喺囡囡生日會上，大扮獨角獸，認真有童真！

張晉44歲生日

早前，張晉44歲生日，過生日除咗有老婆蔡少芬陪伴之外，仲有一班好友一齊出席生日飯局，當日壽星仔上載咗一張大合照，大家笑得幾開心。

老婆蔡少芬肉緊錫錫

蔡少芬趁住520嘅日子，喺個人社交網上載兩張相，並留言：「昨天是你的生日，親愛的@张晋max能陪著你過生日，真的太棒了！感恩。。。！愛要大喊出來！520。。。。。。。。 ​​​​」認真甜蜜～

蔡少芬 張晉 結婚十周年

08年，Ada同張晉結束愛情長跑，更生下兩位女兒張楚兒﹑張信兒，1月12日係佢哋結婚十周年，佢哋為咗紀念呢個大日子，佢哋著番當年嘅婚紗同禮服同兩個囡囡影全家福，二人更留言道：「十年前的今天，我娶了你，這十年裡有風、有雨、有彩虹，還有俩搗亂的。十年前的婚纱和禮服，今天還能穿，讓我們保持身材，繼續風雨同路，看看下一個十年還能不能穿。」

十年後，著番十年前嘅婚紗同禮服，Ada更加好似食咗防腐劑咁，冇乜走樣，真係注顏有術！Ada更公開答謝老公嘅愛：「感謝天父，時間過得太急速了！十年有喜有憂有趣有怒一切一切都是滿滿的愛！如沒有主的恩典，這個家不可能如此繽紛！往後每一日，我們也會繼續堅愛，也謝謝極品張晉max，愛你啊！」so sweet！