蔡卓妍自爆已「結婚」 新郎卻非現任男友？
廣告
上月底，鍾欣潼（阿嬌）於美國出嫁，一眾親友出席見證這其人生重要時刻。婚禮上，阿嬌親手將花球交給好姊妹蔡卓妍（阿Sa），祝佢早日同男友石恆聰可以拉埋天窗。而就喺今日，阿Sa突然上載一張婚照上網，更驚爆新郞哥並非其現任男友，而是另有其人！
撰文：東方新地｜圖片：蔡卓妍instagram
蔡卓妍接上花球
上月底，蔡卓妍飛到美國參加好姊妹阿嬌的婚禮，婚禮派對上阿嬌親手將花球交給阿Sa，令佢唔使搶都成功獲得花球，除了證明阿嬌好希望可以將自己的幸福延續給好姊妹外，仲好想佢可以快啲同麻雀館太子爺男友石恆聰拉埋天窗！
蔡卓妍自爆已「結婚」
就喺今日，阿Sa突然上載一張穿起婚紗並披上頭紗的相於個人社交網，同時留言：「說時遲那時快#多謝阿嬌 」，唔通阿Sa咁快低調出嫁？
正當各位網友及粉絲都想留言恭喜她之時，望真啲，卻發現新郞不是石恆聰，反而是吳浩康！大家唔洗驚訝，皆因原來阿Sa上載的只是劇照，而非她真的結婚了。
