蔚雨芯首創二人拉筋方式 網友驚叫齋睇都覺痛

撰文：東方新地｜圖片：蔚雨芯instagram、陳嘉茵instagram

蔚雨芯換搶眼新髮色

最近，向來有「魔鬼胸」之稱嘅蔚雨芯，趁住臨近夏日同頭髮換上新顏色。見佢染上一頭紅紅橙橙嘅漸變髮色，再著上純白小背心配白色外套及白色高跟鞋，成個造型十分搶眼！

蔚雨芯另類拉筋法

近日，蔚雨芯同藝人陳嘉茵一齊飛去台灣學跳舞。而蔚雨芯就喺個人社交網上載咗幾張相，見佢同陳嘉茵兩個人一齊拍住檔做拉筋熱身，點知佢就研究出一個「She She」拉筋法，就係大家腿貼腿咁拉行對方條筋，並留言提醒大家切勿模仿。

蔚雨芯就嫌佢哋兩個咁樣腿貼腿嘅拉筋都仲未夠，結果佢就用雙手攪實陳嘉茵，誓要將大家個距離再拉得近啲！搞到陳嘉茵終於忍唔住係咁大叫，睇到都覺得佢堅係好痛！

蔚雨芯有個魔鬼教練

睇番先知，原來之前陳嘉茵就化身成蔚雨芯嘅魔鬼教練，按住蔚雨芯個身同佢做熱身拉鬆啲筋。咁唔通蔚雨芯係因為不滿之前陳嘉茵呢位魔鬼教練，所以先研發出「She She」拉筋嘅雙人一字馬，要痛一齊痛？

蔚雨芯繼續騷胸

佢哋兩個人難得可以飛到台灣學跳舞，就緊係要食飽先有力學跳舞，所以二人到埗後就一於食飽個肚先，而蔚雨芯就緊係繼續邊食邊哂胸啦～

原來係「魔鬼胸」

之前「魔鬼胸」蔚雨芯都喺佢IG上載咗峇里旅行相，點知就同朱晨麗之前上載嘅相一模一樣，同一間酒店，同一個泳池，咁啱都係擺同一個「女神撥頭」嘅姿勢。