蒼井空拋4吋事業線 性感谷新劇
廣告
34歲前AV女優蒼井空日前著上一襲低胸貼身紅裙，同拍檔大浦龍宇一及永澤俊矢齊齊出席活動，宣傳佢首次主演嘅深夜劇《逃亡花》，雖然「蒼老師」婚後多咗唔少幸福肥肉地，但佢今次為宣傳新劇谷行4吋事業，依然性感誘人！
撰文：東方新地｜圖片：新傳媒圖片庫
蒼井空 再拍《孃王》監製
蒼井空新劇《逃亡花》將於本周六(4月14日)首播，睇翻蒼井空首次正式拍劇係05年深夜劇《孃王》，當時同佢合作過嘅劇集監製森田昇大讚蒼井空喺《孃王》表現出色，所以今次先決定搵佢擔正新深夜劇《逃亡花》，又指當年《孃王》嘅成功蒼井空有好大功勞，令蒼井空即場感動爆喊。
老公唔過問工作
蒼井空今年元旦閃嫁DJ NoN，講到今次新劇有唔少瞓身肉搏嘅情慾戲，蒼井空笑言老公唔會過問佢嘅工作，畀佢好大自由，所以工作雖然很辛苦，但對佢嘅家庭都冇影響。
新婚幸福肥
蒼井空曾直言渴望結婚生仔，佢新婚後心廣體胖，變得面圓圓勁好肉地，難怪被傳有喜，但呢日出席活動，佢穿著貼身窄裙，力證冇凸肚。
新劇連場肉搏
《逃亡花》改編自同名漫畫，蒼井空飾演被誣告謀殺親夫嘅女主角小園井咲子，佢喺新劇中搏到盡，預先張揚會有連場瞓身肉搏戰，睇拍攝現場嘅劇照，就見到蒼井空笑住同拍檔生島勇輝拍攝床上戲，雖然肉帛相見，但對「蒼老師」都係濕濕碎！
延伸閱讀：
和智南大學畢業 瞓身晒38H巨乳
關鍵詞
蒼井空
