萬千星輝頒獎典禮2021｜鍾嘉欣秘密返港搶視后帶細仔在酒店隔離中

萬千星輝頒獎典禮2021｜鍾嘉欣母子正在酒店隔離

《萬千星輝頒獎典禮2021》候選名單日前公布，鍾嘉欣憑《星空下的仁醫》提名最佳女主角及最受歡迎電視女角色，之前曾揚言再返港應是十年後的鍾嘉欣，原來近日帶3歲細仔Jared返港，現正在酒店隔離中，心水清網民指其特意返港「攞獎」。

鍾嘉欣在《星空下的仁醫》中（圖片來源：IG@chungkayanlinda） — 鍾嘉欣在《星空下的仁醫》中演出備受讚賞，成為視后大熱人選，本來下次返港應是十年後的鍾嘉欣，近日秘密帶細仔返港，日前貼出母子在酒店隔離的照片﹗囝囝愈大愈似鍾嘉欣﹗（圖片來源：IG@chungkayanlinda）

鍾嘉欣今次不再獨自返港，而是帶了細仔陪同，未知受好友胡杏仁教路﹗（圖片來源：IG@chungkayanlinda） — 鍾嘉欣今次不再獨自返港，而是帶了細仔陪同，未知是否受好友胡杏兒教路﹗（圖片來源：IG@chungkayanlinda）

鍾嘉欣加拿大返港「攞獎」，怕唔到冇獎？

鍾嘉欣去年返港拍攝《星空下的仁醫》時一度太掛住在加國的一對子女，訪問中講講吓就爆喊，當時鍾嘉欣指與家人分隔兩地心情好低落，所以曾預告呢次之後，相信十年後先會再返港﹗但近日鍾嘉欣出po貼出母子合照，原來二人返港現正在酒店進行隔離，指可以同囝囝Jared拍拖好開心，不過卻被網民指返港攞獎，留言「到未必有獎，唔到就一定冇獎」﹗

鍾嘉欣在《星空下的仁醫》演技受激讚，尤其多場喊戲，她成功演到不同層次，被網民大讚攞硬視后﹗（圖片來源：IG@chungkayanlinda） — 鍾嘉欣在《星空下的仁醫》演技受激讚，尤其多場喊戲，她成功演繹不同層次，被網民大讚攞硬視后﹗（圖片來源：IG@chungkayanlinda）

《星空下的仁醫》主角鍾嘉欣和鄭嘉穎被指是視帝視后大熱﹗（圖片來源：IG@chungkayanlinda）

鍾嘉欣揚言最後一次回港工作下次將會是10年後

靚媽鍾嘉欣去年留港拍攝無綫新劇《星空下的仁醫》，要同老公 Jeremy及仔女Kelly、Jared分隔兩地三個幾月，難免心掛掛，當時相隔返加國還有一個月左右，但鍾嘉欣話已經準備好晒行李同機票，每日都倒數緊飛返去見仔女的日子！鍾嘉欣話太掛住一對仔女，所以當今次係最後一次回港工作，下次再返香港開工可能已經係十年之後！

日前她上載一對仔女的靚相到社交網一解相思，相中囡囡Kelly扮成《魔雪奇緣》中的公主Elsa，囝囝Jared就扮成小雪人Olaf。 — 之前鍾嘉欣上載一對仔女的靚相到社交網一解相思，相中囡囡Kelly扮成《魔雪奇緣》中的公主Elsa，囝囝Jared就扮成小雪人Olaf。（圖片來源：IG@chungkayanlinda）

除了分享一對仔女的靚相外，鍾嘉欣又分享了自己在酒店房內的床上照，相中穿著睡衣的她碌大眼望著一床劇本，樣子十分趣怪。（圖片來源：IG@chungkayanlinda）

兩歲囝囝 Jared 眼大大又面尖尖，亦獲網民大讚Cute 爆。（圖片來源：IG@chungkayanlinda）

網友都大讚四歲的Kelly愈大愈靚女，同靚媽嘉欣十足餅印一樣。（圖片來源：IG@chungkayanlinda）

鍾嘉欣為百萬冒險返港拍劇

身為兩個小朋友媽咪的鍾嘉欣，拍攝《星空下的仁醫》對上一次在港拍無綫劇集，已經是15年的《巨輪 II 》，婚後移居加拿大相夫教子女，嘉欣只曾在18年客串劇集《再創世紀》，當時全部戲份都在加國拍攝，呢次獨自返港拍劇幾個月，難免思鄉。據知劇中多位主角鍾嘉欣、鄭嘉穎、羅仲謙，酬勞亦相當之高，知情人士透露：「上次拍《再創世紀》，嘉欣酬勞已經好高，今次要返香港拍幾個月，酬勞更加高到三百萬，呢個價係佢以前拍劇嘅幾倍，而且可以同嘉穎同馬明合作，呢個卡士好吸引，先至打動到佢！不過嘉欣最大考慮係一對仔女始終仲細，考慮咗一排同老公商量好，本來計劃好晒，自己先返香港一個月，8月再安排老公同一對仔女嚟香港陪佢，當做一齊喺香港放大假！」

日前已剪短髮方便打理的嘉欣收工手上還攞住劇本，新劇演兒科醫生的她，據知劇本有唔少專業名詞，令她要花更多時間熟背台詞。 — 去年鍾嘉欣為拍攝《星空下的仁醫》而剪短髮方便打理，收工後手上還攞住劇本，劇中演兒科醫生的她，由於劇本有唔少專業名詞，令她要花更多時間熟背台詞。（圖片來源：東方新地）

慳妹鍾嘉欣，今次返港未有租住酒店，反而繼續住番之前的將軍澳寓所，當日收工孭住背囊的她，亦未有聘請助手照顧和協助。 — 慳妹鍾嘉欣，去年返港未有租住酒店，反而繼續住番之前的將軍澳寓所，當日收工孭住背囊的她，亦未有聘請助手照顧和協助。（圖片來源：東方新地）

久未拍劇的嘉欣，為應付演出，落車時仲攞住劇本睇。 — 久未拍劇的鍾嘉欣，為應付演出，落車時仲攞住劇本睇。（圖片來源：東方新地）

疫情反彈被迫停工掛念仔女偷偷匿埋喊

但世事未能盡如人意，嘉欣去年六月底啟程返港做準備，家居隔離14日後，定好7月中出關拍劇，卻因新冠肺炎疫情突然反彈，當時每日肺炎確診數字破百，疫情高危下劇組被迫停工，嘉欣亦只好留家繼續等。據知情者透露：「返咗嚟成個月都未開到工，同仔女分隔咁耐每日只係靠 FaceTime，又怕延遲咗有排都返唔到加拿大，嘉欣情緒好大起伏，成日掛住一對仔女，有時諗諗吓會唔開心匿埋喊，佢想盡快拍完返屋企，見確診數字回落咗啲，已經催劇組快啲開工，仲聲明務必11月要拍晒佢啲戲份，佢要趕返加拿大見仔女。」