【萬千星輝頒獎典禮2020】賴慰玲首次提名即獲女配 白彪演衰老爺奪男配
文：東方新地 ｜ 圖：無綫《萬千星輝頒獎典禮2020》截圖、東星圖片
《萬千星輝頒獎典禮2020》「最佳女配角」由候選視后的蔡思貝負責頒發，蔡思貝一上台看一看賽果便笑住話：「叫得我嚟都知邊個啦，我嘅好姊妹，賴慰玲﹗」
姊妹蔡思貝手上攞獎
《萬千星輝頒獎典禮2020》「最佳女配角」賴慰玲發表感言：「唔敢諗，好多人同我講係我，但我唔敢諗因為怕大家失望，多謝公司畀咗好多機會，多謝樂小姐，經理人，多謝珍姐，多謝演藝學院老師，教我演員應有態度，羅冠菛叫我試鏡入到M Club，台前幕後所有人，多謝你張振朗，要問啱問題，我哋要一齊進步，喺娛樂圈好難得搵到好朋友，多謝屋企人，多謝屋企兩位梁先生。」
「最受歡迎電視歌曲」胡鴻鈞《凡人不懂愛》
由聲夢傳奇四位十四歲參賽者炎明熹、鍾柔美、詹天文和姚焯菲宣布「最受歡迎電視歌曲」由胡鴻鈞主唱的《降魔的2.0》主題曲《凡人不懂愛》獲獎。胡鴻鈞發表感言：「對上一次上呢個台係因為《降魔的》，今次係《降魔的2.0》，希望會有《降魔的3》，好似好旺，其實入行至今，好感恩，可以唱劇集主題曲，多謝我嘅歌迷，祝大家身體健康。」
馬來西亞最喜愛TVB男主角
因為疫情關係在大馬未能舉行頒獎禮，故現場同時宣布馬來西亞的獎項。王浩信憑《踩過界2》再次獲得馬來西亞封帝。
馬來西亞最喜愛TVB女主角
龔嘉欣憑《殺手》得到馬來西亞TVB女主角，龔嘉欣首封后：「多謝馬來西亞支持者，多謝樂小姐咁多年來都支持我，多謝Joe，我可以打成咁，多謝《殺手》台前幕後，多謝指導我嘅武指，多謝祥哥，喺你身上學到演員嘅尊嚴，我先可以咁博命。最後最後，多教珍姐，除咗教我點演戲，多謝你教我做人，仲有你煮嘢好好食，你會煮嘢畀我哋，知我一個人，我唔會令大家失望，多謝。」
馬來西亞最喜愛TVB電視劇集
《反黑路人甲》
白彪奪「最佳男配角」
丹爺頒發「最佳男配角」前，台下演員個個睇好《反黑路人甲》的徐榮，當丹爺上頒話：「我識佢好耐。」然後頒發「最佳男配角」得獎是白彪。
演衰老爺演得入型入格
白彪憑《香港愛情故事》奪得《萬千星輝頒獎典禮2020》「最佳男配角」，74歲的資深演員白彪，加入佳藝電視入行，服務過不少電視台，是第一代「郭靖」。曾移民加拿大後回流拍劇，19年與無綫簽部頭合約，在話題劇《香港愛情故事》的躁漢兼乞人憎老爺，演得入型入格。
白彪得獎表示：「多謝電視機前朋友，多謝樂小姐、珍姐、杜生，多謝丹爺，佢成日叫我白彪，講完就陰陰嘴笑，都唔知佢咩意思，話你知丹爺，我今晚唔係白彪，係奪標！」愈講愈遠又唔停口，丹爺一度想截停，白彪繼續講，全場大笑，後來大會司儀鄭裕玲出手截停：「時間有限，唔好意思﹗」
「最佳節目主持」雙豪奪得
「最佳節目主持」由《兩個小生去Camping》的周柏豪和袁偉豪奪得，
「最佳非戲劇組節目」港姐選舉都有份
《香港小姐2020選舉》、《你還好嗎？》、《東張西望》、《衝上雲霄大選》、《今晚請客》
