莊思敏借胡杏兒晚裝 即試即著
廣告
身為藝人名人，出席活動前要借衫試衫、Set頭又化妝，扮得靚一靚然後上鏡是常識吧，不過見慣大場面如小記，都係第一次見有藝人落場借衫，直接著上身就直踩落會場，講緊嘅咪係大忙人莊思敏囉！
撰文：東方新地｜圖片：新傳媒圖片庫
莊思敏 高效借衫
大忙人莊思敏拍戲拍劇主持節目又要顧自家生意，日前出席博愛慈善舞會，臨開場前至現身尖沙咀借衫，話咁快試完睇啱著埋上身，直接自駕去咗對面海君悅出席活動。
嗱，咁高效率，除咗要讚莊思敏個衣架身型，係唔係都要讚吓贊助晚裝嘅胡杏兒自家品牌婚紗晚裝，出品又靚又出得大場面，咁咪容易揀囉！
