TVB索人妻於官網「下架」 坦言事前並不知情！
撰文：東方新地｜圖片：新傳媒圖片庫、Instagram
花旦於官網「下架」
「被消失」的女藝員就是林夏薇，日前，有記者在無綫官網中的藝員列表中發現她無故「被消失」。由於在一般情況下，所有跟無綫合作的藝人，由一線到基本藝人合約的藝人，都會在無綫官網列表中出現，可是林夏薇近日已「被下架」。
早前，入行8年的林夏薇於劇集《逆緣》中擔正做女主角，更因飾演中日混血兒一角而人氣急升，照道理本應前途無可限量，為何會突然「被消失」？
早前頸椎受傷
上個月，林夏薇於其個人社交平台中，上載一張頸椎的X光片，並留言寫到：「正常頸椎（左）和我的頸椎（右）#病假開始」
坦言事前並不知情
早前，林夏薇被傳媒問及「被消失」一事，她承認對於自己的個人檔案遭下架一事並不知情！
與TVB已經約滿
其後，她再次接受傳媒訪問，終於真相大白，她表示自己終於搞清楚事件的來龍去脈，原來她與TVB已經約滿，其經理人遲了告知以至她並不知情。
林夏薇更直言指自己最近將重心放在生意上，不單忙於為旗下飲食集團分店開張的事籌謀，同時亦為未來新投資項目上費神，故自己未有為意約滿時間。
貴人事忙的林夏薇表示自己雖然與TVB完約，但不排除將來會以任何形式再次合作。換句話說，即係仲可以見到林夏薇出現係公仔箱啦！
除此，她還坦言未來會再心神放在家庭上，造人計劃是其中一步，同時亦想有多啲時間陪老公，免得忽略了他。希望於不久將來，可以聽到林夏薇的好消息啦！
林夏薇 為生仔做足準備
林夏薇遇富愈富，有指婚後即穩袋兩億家用，仲有車有樓揸手，現與老公同住山頂獨立屋，閒時坐自家遊艇出海，生活寫意，不過莫贊生經常飛外地工作，一個人住咁大間屋，都係時候為獨立屋添個小主人。
據知林夏薇老公婚後已心急想生仔，不過見老婆事業剛有起色，他亦願意讓步，不過年紀愈大生仔壓力都愈大。
為了一擊即中，林夏薇近半年不停操弗自己，時刻保持最佳狀態，兩夫婦不時在獨立屋內的自家健身室做運動。
知情者說：「之前薇薇一路拍劇搞到身體好差成日病，依家套劇終於煞科，佢就成日做運動又去睇中醫keep住調理，兩夫婦仲一齊去做身體檢查，大人健康啲，生出嚟嘅BB就更加健康啦！」
與蕭正楠拍的新劇《十二傳說》終於煞科，林夏薇即準備停工生B。
被批生龍鳳胎
早前林夏薇為新劇《逆緣》做宣傳，活動上麥玲玲師傅為眾人測字指點迷津，林夏薇以「明」字問添丁，麥玲玲指她今年報喜機會高，更可能懷上龍鳳胎。
她即場開心回應：「希望承師傅貴言，龍鳳胎梗係好。我哋好鍾意小朋友嘅，好想生3個，不過都要睇緣份，我同老公各有各忙，見都冇時間，好似同屋住，所以我拍完《十二傳說》後會休息一段時間，可以多啲陪屋企人。」
林夏薇所講的停工是指不再接劇，即使陀B成功，亦會照樣接其他工作及打理食店生意，不過一切都以生仔行先。
老公陪出入
結婚兩年半，林夏薇與莫贊生仍像熱戀，雖然因為工作不是經常見面，但二人都珍惜相處的時間，不時互氹為日常生活增添情趣。
早前本刊記者直擊夫婦二人由司機接送到中環，林夏薇去髮型屋恤髮，莫贊生就到附近閒逛等老婆，二人甚有默契。
嫁入豪門非易事，要同富豪老公講心又講金就更加難，不過林夏薇兩樣都做到，現在停工生B，老公仲畀獎金，一億都當係碎銀，絕對是人生大贏家。
