舒淇馮德倫台灣愛巢大到蕩失路？
廣告
舒淇同老公馮德倫自從宣佈婚訊之後，都冇停過繼續密密做密密賺，而最近舒淇更加「密密買」添呀。據知佢除咗喺淺水灣睇中咗一層豪宅之外，仲喺台灣內湖區以新台幣7000萬（約1700萬港幣）高價買咗一個二千幾呎嘅單位，唔通傳說中嘅新婚愛巢就此誕生？
平時佢哋兩公婆因工作需要都會周圍飛，好少會長時間停留係一個地方，所以舒淇喺香港、台灣、泰國、北京等地都擁有自己嘅物業，簡直係四海為家。早喺三年前，舒淇喺台灣豪宅地段內湖區買咗二千幾呎層樓，而近日就有指新婚之後首次返台灣嘅舒淇，又忍唔住喺同一地段豪擲7000萬新台幣買多一個單位。究竟呢到有咩咁吸引到佢呢？
根據內地媒體公開嘅照片，大廈外觀雖然非常奢華，但新居內部裝修就行歐洲簡約風，以白色為主色，既寬敞溫馨。另外仲有空中花園、小型高爾夫球場等娛樂設施，交通又方便，更重要嘅係保安系統完善，私隱度極高，連羅志祥、梁文音等藝人都有喺嗰到置業。
全文完
