簡淑兒

自揭八年SheShe情 30歲簡淑兒為BB整餅慶生

最新娛聞
東方新地

廣告

被封「仙氣女神」嘅簡淑兒雖擁有童顏但原來已屆30歲，輕熟女唔憂嫁，近年佢堅稱單身，社交網唔係po仙氣自拍照，就係同閨密嘅合照，日前佢仲親手整生日蛋糕，為佢最愛嘅「BB」慶祝牛一，八年姊妹情甜到漏，SheShe情甚濃！

撰文：東方新地

陳婉衡30歲生日，簡淑兒為佢慶生，仲一早佈置好場地送驚喜。
陳婉衡30歲生日，簡淑兒為佢慶生，仲一早佈置好場地送驚喜。

簡淑兒愛心蛋糕為「BB 」賀壽

究竟邊個可以令簡淑兒愛得死心塌地為佢整餅呢？咪就係佢個BB陳婉衡囉！二人相識於12年參選港姐，不過簡淑兒因個樣未進化而好早被foul，陳婉衡就憑36E導彈身材打入二十強，不過都係三甲不入。佢哋本來唔多熟，後來齊齊簽無綫做小花，一段奇妙友誼就咁開始。

簡淑兒親手整咗個芝士蛋糕，放畀佢嘅AlyciaBB(即係陳婉衡)。
簡淑兒親手整咗個芝士蛋糕，送畀佢嘅AlyciaBB(即係陳婉衡)。
壽星女開心到笑唔停，甜到入心。
壽星女開心到笑唔停，甜到入心。
簡淑兒為BB送上驚喜嘅同時，亦出po大讚陳婉衡keep得好唔似30歲。
簡淑兒為BB送上驚喜嘅同時，亦出po大讚陳婉衡keep得好唔似30歲。
兩姊妹感情好到年年都一齊去旅行，簡淑兒仲話以後每個生日都要陪陳婉衡過，仲約定如果大家都唔結婚就夾份買姑婆屋。
兩姊妹感情好到年年都一齊去旅行，簡淑兒仲話以後每個生日都要陪陳婉衡過，仲約定如果大家都唔結婚就夾份買姑婆屋。

簡淑兒、陳婉衡共同進化

簡淑兒同陳婉衡雖然樣貌、身材同氣質都好唔同，不過佢哋都有共通點，就係齊齊由冇人識嘅小花捱到今時今日總算有啲知名度，仲一齊女大十八變，同當年選港姐真係判若兩人，簡淑兒五官變化唔使多講，有名你叫「仙氣女神」，陳婉衡就以身材掛帥，被封「無綫咪神」sell葫蘆身形同蜜桃臀。

八年前選港姐時嘅簡淑兒，又真係好難令人留下深刻印象嘅！
八年前選港姐時嘅簡淑兒，又真係好難令人留下深刻印象嘅！
當年參選港姐嘅陳婉衡，身材已經好凸出。
當年參選港姐嘅陳婉衡，身材已經好凸出。

最佳伴旅

睇住大家長大經歷真係唔少，簡淑兒同陳婉衡真係情如姊妹無所不談，笑一齊喊亦一齊，原來每年佢哋都會私底下約埋去旅行，去得最多就係泰國同日本，成日都影埋好多女神相放IG，睇得出佢哋感情堅係好。

當年一齊簽無綫出道，放工一齊搭巴士，二人有影皆雙。
當年一齊簽無綫出道，放工一齊搭巴士，二人有影皆雙。
簡淑兒自爆同陳婉衡去過好多個地方旅行，而且每次都好開心。
簡淑兒自爆同陳婉衡去過好多個地方旅行，而且每次都好開心。
前年去泰國一齊歎住香賓浸泡泡浴，佢哋仲張呢張相放IG派福利。
前年去泰國一齊歎住香檳浸泡泡浴，佢哋仲張呢張相放IG派福利。
當女神遇上咪神，原來可以發展一段好SWEET嘅姊妹情。
當女神遇上咪神，原來可以發展一段好SWEET嘅姊妹情。
真係唔係講假，簡淑兒真係年年都同佢個BB慶祝生日，呢次係三年前。
真係唔係講假，簡淑兒真係年年都同佢個BB慶祝生日，呢次係三年前。
陳婉衡自己亦趁30歲生日「大解放」在IG貼全祼浸浴照。
陳婉衡自己亦趁30歲生日「大解放」在IG貼全祼浸浴照。

 

熱門文章