胡杏兒老公晒囝囝著泳褲背面照 大讚Brendan肉肉靚股！
胡杏兒39歲生日開P 好友黑衣Look到賀
早幾日是藝人胡杏兒39歲生日，她提早在老公李乘德位於中環的酒吧開Party慶祝，一眾好友到賀，當然唔少得「胡說八道會」的好姊妹啦！包括胡蓓蔚、胡定欣、李施嬅、姚子羚、黃智雯。
壽星女在社交網站上載多張大合照及留言答謝，照片中她更抱緊老公，又獲「胡說八道會」的好姊妹獻吻，她留言：「Never been older, but never been happier . Just a simple gathering with some friends is perfect for this year. Thank you for all your wonderful wishes, I’m so grateful.」好幸福！
拍《衝上雲宵2》而認識的好友傅嘉莉、楊潮凱等，睇番當晚唔知係咪有dress code呢？事關一眾好友都以黑衣打扮，型到暈！
胡杏兒囝囝首次搭飛機
開完生日派對後，杏兒就帶埋囝囝李奕霆 (Brendan) 一家三口一齊去馬爾代夫繼續慶祝，今次仲係Brendan第一次搭飛機，不過最可愛都係呀囝個萌爆未瞓醒樣！
抵達當地後，杏兒更隨即post出靚相，不過見她著上白色連身裙，腰粗粗，唔知平日弗爆嘅杏兒係咁啱有一個food baby喺肚定真係有個baby係肚呢？
其後，杏兒再次晒出抱住Brendan搽唇膚嘅相，大家睇下Brendan見到媽咪扮靚靚笑得幾開心！
胡杏兒老公晒囝囝著泳褲背面照
杏兒老公Phil亦都有post出囝囝嘅相，不過就有別杏兒，反而係晒出呀仔著泳褲嘅背面照，更笑指：「Brendan See Fut Jai Hau Jiang.（Brendan屎忽仔好正）」，睇嚟老竇好欣賞囝囝個肉肉靚股咁喎！
囝囝1歲喇！胡杏兒：捨不得你長大
胡杏兒和老公李乘德的囝囝Brendan眼大大好肉地，仲不時晒天然呆嘅萌樣，唔少網民都讚佢佢好可愛好得人鍾意！胡杏兒和老公李乘德兩人都分別在社交平台分享囝囝1歲慶生照，胡杏兒感慨寫道:「我的寶貝兒子，感覺昨天才把你從醫院抱回家，一晃眼你已經一歲了，每天看著你，希望你長大，又捨不得你長大。希望你可以一直做一個開心搞笑的寶寶，媽媽和爸爸很愛你」
李乘德就PO了張囝囝單獨望著蛋糕的相片，為食樣出晒嚟，連爸爸都連不忍留言話:「當他發現前面兩個蛋糕的時候，我們便放棄了叫他看着鏡頭了」
胡杏兒老公 晒囝囝肥腿
最近爸爸Philip上載了一張囝囝的背面照，爸爸仲搞笑地留言話：「When your legs got skinny and all you want to do is show them off as much as possible.（當你雙腿變瘦，你便會盡可能地展示雙腿）」只見Baby Lee的一對「美腿」真係超吸引，真係睇見都想咬一啖呀！
胡杏兒晒性感時裝照 老公：我帶你去買恤衫啦
之前胡杏兒post了一張穿著粉紅色西裝的相片，相片中胡杏兒只穿着西裝外套，並沒有穿恤衫在內，呈現「中空」的狀態，非常性感。但可能是太過性感，引來老公留言「LP I can take you to buy a shirt for that suit if you don’t have one （老婆如果你無恤衫着，我可以帶你去買）」，非常搞笑！
胡杏兒帶兒子踩入老公公司 網民：成個老闆娘咁款
胡杏兒帶了兒子去老公公司探班，看著胡杏兒認真的表情，加上Brendan趣怪的樣子，老公也忍不住留言：「Mrs Lee coming into the office, taking over my desk, and showing me how sales calls are made, Is Brendan impressed? What do you think?」（李太來了公司，坐在我的辦公桌，然後告訴我銷售電話應該怎麼打，Brendan看起來非常眼前一亮，你們覺得呢？）
Philip還標籤了一句「mummy is just shopping over the phone」，指老婆掛住打電話shopping。
契媽們親自教 胡杏兒10個月大兒子學4種語言
上月一班「契媽sss」一起去探望Brendan，包括「胡說八道會」的李施嬅、胡定欣、黃智雯、胡蓓蔚及姚子羚，正所謂「三個女人一個墟」，「胡說八道會」的六位美人你一言我一語，把只有10個月大的Brendan「頭都痕埋」。
事緣三位契媽為小Brendan講故事時，竟然用了三種不同的語言，姚子羚說普通話、胡蓓蔚教上海話，還有李施嬅講英文，加上媽媽胡杏兒說的廣東話，是名符其實的兩文四語，聽得小Brendan一頭霧水，非常可愛。
胡說八道聚會 胡杏兒可愛囝囝Brendan俾女圍
自從誕下Baby Lee之後，胡杏兒湊仔大過天，去到邊都同Brendan仔形影相隨。日前，杏兒就帶著囝囝參加胡說八道聚會，四個靚靚契媽見到杏兒仔仔都母愛大發，個個爭相圍著圍著Brendan。而Brendan就一臉呆萌，似乎完全唔知一班契媽點解咁興奮。
契媽1號胡定欣急不及待咁同Brendan仔合照，並留言「Our first selfie with Baby Lee，你真係太太太可愛了，契媽ssss都俾你冧爆左!」定欣仲笑言「6個排住隊Tum你瞓 #每隔兩份鐘轉人 」，相中Brendan未識望鏡頭，又眼神迷離，樣子相當可愛！
契媽2號黃智雯亦上載咗同Brendan仔的合照，留言「Babe Lee…你真係cute到無法無天」又笑指Brendan肥嘟嘟似「節瓜BB」 魅力沒法擋！
契媽3號姚子羚都唔執輸，隨即晒出合照，並留言「Baby Lee 你做咩搶契媽啲嘢食呀？為食豬」
緊隨其後，契媽4號李施嬅（Selena）又在instagram寫道：「今晚開咗一場胡說八道演唱會逐個唱歌給B.B. Lee 聽，其實baby Lee 喺度諗乜呢? 係唔係諗緊成班傻婆點解見到我咁興奮呢？太可愛喇，我哋個個都俾你電暈啦。」
Selena更是母愛大發在ig storypost出 和杏兒仔仔大唱英文歌影片，不過Brendan卻只顧咬牙膠，沒有理會她，場面十分有趣。
胡杏兒：係Baby Gym？定我做緊Gym？
日前胡杏兒同老公陪10個月大嘅囝囝返Playgroup，睇相杏兒好似捉唔住精力充沛嘅Baby Lee咁，難怪佢話：明明話係Baby Gym class，點解好似我做緊Gym咁？
杏兒老公李乘德都有一齊去，睇佢抱住個仔倒豎蔥，又唔似係好吃力喎！不過佢同杏兒嘅感想都係咁上下！「BB健身班，係希望培育小朋友嘅空間意識，身體協調同力量。不過就冇人話畀我哋知，實質上係鍛鍊父母多過鍛鍊BB！」
睇吓杏兒平時PO囝囝嘅相，都應該知呢個仔係好動㗎啦！
一字馬！難我唔到啦！我練緊擺隻腳上頭喇！（設計對白）
放晒啲電，攰喇！
勤做瑜伽修身
杏兒十二年前為演活《肥田囍事》中的肥田不惜增肥，雖然事後很快減肥成功，但她表示身體再不能像以前那麼容易瘦回來，因為脂肪細胞已經膨脹了，現在keep fit不像以前那麼輕鬆。不過，拍攝當日在場不少曾與杏兒合作過的人，都表示她比懷孕前更苗條。「生完之後怕影響奶量，所以冇做咩地獄式減肥，冇節食同做太劇烈的運動。我陀B嗰陣重咗三十磅，生完已經冇咗十磅，我覺得係水腫比較多。」其實她最近一個月才開始做運動，更跟圈內的瑜伽導師林芊妤（Coffee）學瑜伽，在這位魔鬼教練的訓練下，杏兒上第三堂瑜伽已經做到倒立。除了做瑜伽，她得閒也會做帶氧運動，務求保持定期運動量。
產後五個月，杏兒已極速修身，她亦有跟林芊妤（Coffee）學瑜伽，更說對方是「魔鬼教練」。
杏兒表明︰「嚟緊準備生第二個，唔會等太耐，唔想減完肥又再嚟過。」不久的將來應該會收到杏兒的好消息。
成家人都好似樣呀！
唔少網民都話兩父子好似樣，但其實一家三口都好似樣㗎！兩個人對得耐，個樣就會越來越似，見到杏兒同Phil呢張相，真似真係喎！
