聲夢閃卡疑似滯銷送都唔要？大家樂默默延長「限定」堅持賣貴餐

一齊回顧「大家樂 x 青春本我」閃卡造型

大家樂繼續加推閃卡係太受歡迎定係送唔出？！

原本大家樂於5月10日起至30日推廣期內，一連三個星期內只要購買指定套餐，就隨機附送一款限量版的「聲夢閃卡」，到最後一個星期，食夠兩份餐仲可以獲3人組或6人組合照特別版閃卡一張添！不過反應似乎唔多理想，去到6月1日，快餐店突然宣布加推閃卡兩星期（至6月13日），繼續sell卡。

聲夢閃卡大家樂係FB出post 加推聲夢閃卡 — 大家樂係FB出post 加推聲夢閃卡（圖片來源：Facebook@大家樂Café de Coral）

聲夢閃卡討論區有網民擺咗呢張圖，見到仲係重貨 — 討論區有網民擺咗呢張圖，見到仲係重貨（圖片來源：lihkg討論區截圖）

閃卡設計引起熱討 Gigi撞樣野口同學！

早前推出「大家樂 x 青春本我」閃卡，曾引來一眾網民熱議。更有網民表示Gigi由《魷魚遊戲》中的「木頭人」變成《櫻桃小丸子》中的野口同學，有網民指Archie與側田撞樣，Aska被指酪似長鼻猴，Kaitlyn髮型出事似「超人之母」。

聲夢閃卡網民爭相討論閃卡造型。 — 網民爭相討論閃卡造型。（圖片來源：Facebook截圖）

大家樂同聲夢合作原來係千載難逢機會？

《聲夢傳奇2》早前舉行記者會，曾志偉興奮宣布節目將與大家樂合作，他稱對方為「最強合作夥伴」，又說：「電視界嚟講，今次係一個破天荒合作，為咗俾觀眾知道更多訊息，大家每一個分店都會見到《聲夢》的賽事成續，各式宣傳都會見到。」他又說：「有參賽擔心冇時間食嘢，今次大家樂照顧晒你哋，送到上門畀你哋食！」。《聲夢傳奇2》同大家樂合作後，確實增加唔少爆光率，亦引起大家熱議。

聲夢閃卡對於和大家樂合作表示興奮 — 對於和大家樂合作表示興奮（圖片來源：《聲夢傳奇2》記者會截圖）

網民形容今次宣傳係災難級

唔少網民都話「大家樂x青春本我」閃卡造型出曬事：「其實點解做任何野都可以咁老土？」、「攪蓮姐形象同設計果個真係唔該返去讀過設計」、「雙馬尾係想點X樣」、「衰X過yes卡」。而今次市場推廣，網民形容是災難級：「笑咗，以為KFC將COLLAR摧毁已經係災難級，點知一山還有一山高」、「成個marketing出x晒事」。甚至好多網民表示：「送俾我都唔XX要啦」、「講還講唔好貼相」、「X你個街，亞視嚟嘅？」。另一方面又有網民指出重點，表示該套餐比平時食得貴出不少，但對比之下，早前麥當勞推出的MIRROR閃卡，該指定套餐卻並無加價。