老公長期冇工開 呂慧儀為夫?拍《愛回家》
廣告
近日「長腳蟹」 呂慧儀 在《親親我好媽》劇中飾演有公主病的惡妻兼怪獸家長，被讚演得入型入格，人氣急升！但相反，呂慧儀老公黃文迪，自前年棄做健身教練重返無綫，一直都只能做二打六角色，要靠老婆不停打關係牌喪黐?撈。日前呂慧儀到九龍城開工拍新劇《愛·回家之開心速遞》，就搵老公專程到場做其阿四兼私人司機，又向監製引薦老公入劇，希望老公早日有工開！
撰文：東方新地
港男港女 外形般配
呂慧儀同黃文迪夫婦，兩個都係無綫選美節目出身！呂慧儀於2006年參選香港小姐，獲得季軍。去年更憑《一屋老友記》患有「公主癌」的余花一角獲頒「馬來西亞星光薈萃頒獎典禮2016」最喜愛TVB電視角色獎；而老公2008年參選香港先生，可惜落敗，在賽後加入無綫，曾經離巢做健身教練，不過前年重返無綫。兩人都係港男港姐，又高又Fit，外貌省鏡，好般配。
老公無業細心伺候 呂慧儀為夫搲拍新劇
今年呂慧儀在《親親我好媽》再演公主病惡妻，亦大受好評，原來現實中她和老公黃文迪關係亦是女尊男卑，最近呂慧儀加入《愛·回家》大家庭，有份主演新處境劇《愛·回家之開心速遞》，幾乎要日日開工，日前佢到九龍城拍外景拍到夜晚十點幾先收工，就搵來無工開的黃文迪到場陪拍劇，期間見黃文迪要幫老婆做咕喱拎嘢，又要做司機，以及幫老婆手練習泊車，服待得老婆相當周到。
黃文迪入行以來，一直都冇令人眼前一亮的演出，只能做小角色，知名度唔高。據知呂慧儀一直為老公事業打盡關係牌，每逢相約台前幕後食飯都必定帶同老公出席，並喪黐歐陽震華、曾志偉等前輩博?撈，希望可以在新一輯《開心速遞》中再攝一角！
出演多劇小角色 演藝事業未見起色
黃文迪曾經參選港男，又做過健身教練，六塊腹肌同人魚綫勁有睇頭，可惜演藝事業未見起色。
《城寨英雄》
早前黃文迪在大熱劇《城寨英雄》中飾演「電」先生，又戴帽又戴黑超，連面都冇得露，只係飛咗幾次飛刀，就被陳展鵬一掌打爆天靈蓋。
《大咕窿》
09年，黃文迪在遊戲節目《大咕窿》穿黑熊裝不慎跌落水，在水中20秒後獲救，幾乎窒息喪命。雖然一度成為熱話，但未有令佢事業更上一層樓。
