有傳媒聲稱收到四年前譚小環老公蔡強榮(Eric)於夜場啜女相，Eric知衰第一時間打電話向太太認錯，而譚小環睇到老公啜女相後，最初O嘴問：「幾時發生？」之後再淡定回應：「我了解呢個係咩場合，呢個係咩人先，有時佢哋可能玩到好癲，因為佢哋達到target會放鬆啲，有時唔係話男同女，男同男都係咁錫。」小環更表示，曾同老公經歷好多風風雨雨，唔會因為一事件而影響夫妻感情，堅信丈夫冇做對唔住佢嘅事，仲盛讚Eric係位盡責任嘅好老公！幫老公兜埋，咁好老婆去邊度搵？不過，小環話一定會向老公了解事件始末！

其他文章︰

啜爆夜場女 譚小環老公偷食

娛圈正印站起來！

表面風光

譚小環07年跟年薪過百萬、任職保險公司區域總監嘅蔡強榮(Eric)結婚，大家都以為譚小環嫁得好，住何文田半山壹號過千呎豪宅，老公又打本俾佢搞魚蛋檔同手工藝教室，唔使再捱更抵夜拍劇咁辛苦，升呢做老闆娘可以印印腳，生活睇落好幸福！

經常受氣

不過，其實小環當了魚蛋檔老闆娘後，事事親力親為，除經常親自睇舖，更落手落腳整魚蛋，身為港姐冠軍嘅佢，可以話係放下身段，就算打扮成師奶都無所謂，目的只想出分力，減輕老公負擔！不過，Eric不但冇感恩圖報，除沙沙滾之外，據知性格超級大男人，要話晒事，唔鍾意老婆太多聲氣俾意見，只要唔高興，就會黑晒口面，所以小環經常要睇住老公面色做人！

偷食戰衣着足十年

睇番當時Eric啜爆夜場女所着嘅藍色綑白邊T裇，原來跟去年同太太慶祝43歲生日食飯所穿件衫一模一樣！若Eric冇講大話，啜女事件發生於十年前，同小環結婚九年都仲着同一件衫，睇嚟佢真係勁鍾意偷食…戰衣喎！對於件偷食戰衣，小環表示：「佢好多呢款T恤，件件都差唔多！不過，呢點已經唔再重要，我都冇特別斟酌，重點係佢明白飲醉斷片係唔啱就得。」

全文完