佢算唔算係美魔女？杜如風減肥後狂露肩曬鎖骨 網民：其實佢都靚過…
撰文：東方新地 ｜圖片：instagram﹑facebook﹑節目截圖
最近，杜如風在新一輯旅遊節目《昇龍道攻略》中，除了一如以往介紹日本有咩食玩買之外，佢喺節目中嘅身型都備受大家注意，唔少人都覺得佢比起之前發福的身型瘦了下來，fit咗好多！
可能就係因為咁，就有網民以「杜如風算唔算美魔女」為題開post討論，到底杜如風已經40有5歲，算唔算係keep得又靚又年輕呢？
網民嘅反應都好極端，有人話杜如風同個「美」字真係完全扯不上關係，又有人話其實杜如風未暴肥之前，都係靚女一名。
網民又話 「佢以前幾靚，但自從暴肥後就美貌不再…」
對於身形嘅繳變化，杜如風曾經話過自己唔介意被批評，仲話自己媲美楊貴妃，一笑置之。
亦有傳杜如風早前暴肥，係因為食咗甲狀腺嘅藥物，其副作用令她身形暴漲。
其實睇返杜如風以前啲舊相，樣子都真係唔差㗎，幾可愛，學生年代嘅佢都好清純！
而在最新一集旅遊節目《昇龍道攻略》中，杜如風為了證明自己瘦咗好多，仲特意喺介紹「水饅頭」時，擺晒pose露出肩膊同鎖骨。
佢仲話露肩都係因為，要話比你哋知佢瘦返啦！
瘦咗好多！！
睇返2016年拍攝《東京攻略の新年番外篇》時嘅杜如風，佢又真係認真瘦返好多，當時面漲卜卜，塊面圓到呢，當時加大碼嘅身型而家都瘦返唔少喇！
在《東京攻略の新年番外篇》穿著和服，仲俾人笑似架坦克車…
2016年，杜如風當時為電飯煲賣廣告，當時比較圓潤的身材，又被網民笑咗一段時間！
而部分網民就話，杜如風只可以算係「喪魔女」﹑「 有錢嘅魔女」，絕對唔係美魔女！
佢後來在加拿大讀大學，參加過當地的日語演講比賽，仲拿咗全國冠軍！此外又考取日本文部省獎學金，獲註加拿大駐日本大使的夫人賞識，推薦佢畢業後去東京御茶之水女子大學修讀日本文學。要知道呢一間係非常難入的名校，唔少日本的傑出女性都係畢業於此。
杜如風讀完書回港，杜Sir並無利用自己的人脈將女兒捧成大明星，反而介紹佢去英皇電影做日本電影字幕繙譯及編劇學徒，由低做起，之後一步步踏上成名路。所以話杜如風並不完全係「成功靠父幹」，本身都真係叻女嚟！
杜如風 世界級金句錄
「世界級港女」杜如風呢個稱號點嚟？之前《流行首爾》一出成為全城熱話，勁多人話佢一味晒自己幾有米有幾多名牌，反而實用嘅旅遊資訊就無乜。加上佢勁浮誇嘅說話方式同動作，真係勁多人想打爆部電視！
不過你有你鬧，佢有佢繼續我行我素，而且老老實實，旅遊節目一向深受歡迎，好多人邊鬧邊睇。所以大台食過翻尋味，之後再搵杜如風拍十集《東京攻略》，介紹東京吃喝玩樂好去處，鑑於上次《流行首爾》中表現俾人插到飛起，今次似乎刻意收起港女本色，講嘢明顯正經咗，順耳咗！《新地網》為大家精選杜如風過往喺節目上講過嘅金句，其中有晒命又有自嘲亦有文釆，等大家好好回味一番。
呢個爛gag……OK好笑喎其實！
