【心穎BB唔吼！】美男廚房晒肌 邊個半裸上身煎牛扒？
撰文：東方新地｜圖片：新傳媒圖片庫、張振朗IG、黃心穎IG、蔡思貝IG、蕭正楠IG、周志康IG、梁泰來IG、李綺雯IG、姚子羚IG、朱智賢IG
美男廚房：愛上食生嘢⋯⋯
呢位半裸上陣上演《美男廚房》嘅男藝人，之唔係近日為《美女廚房》擔任主持嘅張振朗囉！日前佢就喺屋企親自下廚煎牛扒，仲留言表示：「自從做左美女廚房後⋯我愛上左食生野⋯塊扒已經煎好⋯」相中牛扒鮮紅色，半分熟都冇，唔通張振朗畀一班「地獄廚神」搞到愛上咗茹毛飲血？
自從做左美女廚房後… 我愛上左食生野…. 塊扒已經煎好…..
張振朗（@owencheung）分享的貼文 於 張貼
身為「地獄廚神」之一嘅黃心穎立即質問張振朗：「請問點解成日唔著衫？有無考慮過我地感受？」
龍武軍s 找數喇！😍😍 派福利的時候！（佢地真係好慘要keep足5個月到最後先有得拍d除衫戲🤣🤣👏🏻👏🏻）我地聽晚7:45pm會一齊喺荷里活廣場睇大結局！c u there! #龍武軍 #宮心計2深宮計 #任三恕 #甘若芊 #何離 #出賣穎 🤣✌🏻
黃心穎 Jacqueline B. Wong（@jacquelinebwong）分享的貼文 於 張貼
點知張振朗反寸心穎BB：「你覺得你著三點式大家又好想睇咩？」講緊嘅係心穎BB為《宮心計2深宮計》30億嘅點擊率著三點式找數⋯⋯
30億的找數！🙌🏻🙌🏻🙌🏻 謝謝你們的支持！今晚一齊為若芊慶祝生辰吧！🎂🎉 #找數穎 #甘若芊 #宮心計2深宮計 #sumthingpaysoff
黃心穎 Jacqueline B. Wong（@jacquelinebwong）分享的貼文 於 張貼
最近兩人正一齊拍緊新劇《牛下女高音》。
而蔡思貝就畀張振朗肌肉吸引，問佢仲請唔請鐘點！但張振朗就一啲都唔畀面，話：「請不過唔會係你～」
蔡思貝並冇就咁放棄，繼續游說張振朗，話自己好「賢良熟得」喎，唔知意思係咪話自己煮嘅嘢食起碼煮得熟過張振朗塊牛扒？
仲有唔少藝人紛紛留言，電台DJ梁泰來問張振朗「做乜半裸」？
李綺雯問佢：「驚唔驚啲油彈落心口啊？」
細孖周志康更話佢「好學唔學」。
仲有姚子羚都留咗幾個邪笑嘅emoji畀佢！
朱智賢最直接，問張振朗：「裸體煎牛扒係咪好食啲」？
蕭正楠就話：「又要唔著衫煮嘅」仲附贈一個香蕉圖案！
張振朗就咁樣覆佢哋⋯⋯
新一輯《美女廚房》口碑差 有美女學徒被杯葛
有新一輯《美女廚房》睇，本來觀眾都相當期待，但主持換上阿Bob、蕭正楠及張振朗，同上一輯的鄭中基、方力申、梁漢文實在係無得比，被網民狂轟主持功力一般、節目氣氛普通。
有傳《美女廚房》仲有學徒淪為人肉佈景板，反而大台親生女就有好多上鏡機會，例如前落選港姐伍樂怡，慘遭其他美女學徒杯葛。
《美女廚房》每集會有5分鐘的下廚時間讓3位學徒上鏡，其他學徒就變成人肉佈景板。有指頭兩集播出後，有外援組學徒沒有上鏡機會，而大台親生女伍樂怡、王卓淇、單文柔等就有大特寫同對白。
伍樂怡同王卓淇在第一集已經被安排下廚上鏡，而伍樂怡頭兩集已經有不少出鏡機會，有傳她埋位最遲也沒有被催促，擺足架子，明顯得到優待，果然是親生女。
伍樂怡作為親生女在大台發展得不錯，在藝員訓練班培訓了幾個月，就已經安排她主持《Think Big 天地》、《3日2夜》、《安樂窩》等節目，待遇甚至比同屆港姐冠軍雷莊𠒇更好。
