羅天宇打波媾掂蘇皓兒？ 「女神收割機」晒合照洩蜜
廣告
港男出身的羅天宇，前度唔係港姐就係高質小花，早前有傳媾掂新紮小花戴祖儀，車接車送獻殷勤，不過最新目標是《那些我愛過的人》演林文龍女兒的26歲蘇皓兒，借打籃球而成功埋到女神身，「女神收割機」呢個名羅天宇真係當之無愧。
文：東方新地 圖：羅天宇、蘇皓兒IG
近日在新劇《那些我愛過的人》做純情學生妹的26歲蘇皓兒（Chole），成功激增宅男粉絲，樣似永遠女神周慧敏，加埋一雙長腿成了她的最強武器，自從1月公布同王宗堯分手重新上市後，雄性動物都對她虎視眈眈，而素有「女神收割機」之稱的羅天宇，有高質女神，又點會走漏佢對法眼﹗早前羅天宇冧掂戴祖儀，原來只要一日未認愛，女係會繼續媾嘅，有傳羅天宇原來早已向熱愛打籃球的蘇皓兒埋手，相約打波一段日子，打波傳情一撻即著，因為一張球場合照而洩蜜。
羅天宇借打波埋蘇皓兒身
羅天宇胋出一張打完波後的球場上大合照，十一男一女，大部分企在後面做背景，灰衫張景淳更企匿正喺周志文後面，只有羅天宇同Chole並肩在前中排，而Chole頭也自然地挨向羅天宇方向，一張合照焦點都落在二人身上，不禁令人揣測二人的親蜜關係，至於聲稱同羅天宇只是波友關係的緋聞女友戴祖儀，卻未見在當中。
羅天宇係男人公敵
羅天宇08年參加港男奪冠，入行十二年，其代表作只有在處境劇《愛‧回家》的馬子仁，多年來事業未見起色，但媾女戰積輝煌，Coffee林芊妤、苟芸慧、蔣家旻、湯洛雯、高海寧、陳瀅、戴祖儀等都死喺佢手上，難怪好兄弟翟威廉都要話佢係男人公敵﹗
