素海霖銷量撼贏三上悠亞 網民唔認同遭狠批 本尊親回負評掀罵戰

繪麗奈 打正香港首名女優之名3月出道

素海霖Erena今年3月以藝名繪麗奈出道，處女作品推出後成為日本銷量排行榜第一名。FANZA成人DVD銷量榮登亞軍，素海霖在社交網開心分享殊榮，並寫道：「多謝大家支持，令我出道作贏了三上老師，我一直希望成為有影響力的女性，我認為令到香港人支持正版不容易，也許算是一個影響力…外界會話香港人三分鐘熱度，但我相信絕對唔係，今年會推出第3 部作品，係大家期待以久的劇情片。」

素海霖衝去寸嘴回應負評：你可以睇自己鍾意嗰啲

不少網民對於素海霖撼贏三上悠亞唔太接受到，紛紛留言，不過素海霖面對「看不順眼」的留言，毫不客氣回覆：「如果唔係睇正版/有買正版嗰啲，希望你哋唔好inbox我講太多，因為我會唔鍾意，但對於其他訪問及其他作品，絕對歡迎dm我」甚至，會衝去不同平台的留言。有網民寫道：「都係睇日本妹開心啲，三上正咁多」，素海霖就衝去別人的平台留言：「梗係啦，人地出道咁多年」」，網民則反擊：「出道幾耐同作品有幾正係無關係，如果係成正比，夕樹舞子出返嚟拍咪正到飛起」，繪麗奈再寸爆反擊：「希望你唔係睇翻版啦，每個人睇法唔同，我認為出道幾多年係一定有少少關係，因為會不停改進」，有網民即表示同意，並建議她要改進的話是身材方面，「操番啲身型，相信更多人支持，三上以前都肥過，佢修身後就更紅，相信你可以更成功」，素海霖睇嚟未有接愛善意批評，「每人有鍾意嘅嘢同類型不同，你去搵番啲啱你睇嘅嘢睇啦。」

素海霖與網民掀罵戰：我又唔係錢，當然唔係人人like

素海霖到不同討論區，針對負評逐一回應，有網民指「食香港第一個女優條水啫，再拍落去就無咁好銷量，根本無得同三上比，三上正過佢幾百倍」，繪麗奈為自己辯護：「係正過，但人哋出道咗八年，都係無得比」，網民反駁：「人哋出咗道八年都咁高人氣，唔關出咗道幾多年事，你認係正過你咪得囉，但咩啫！」繪麗奈忽然謙虛：「我會繼續努力」。又有網民質問：「有幾多香港（人）會買繪麗奈呀？」繪麗奈九秒九回覆：「我估大部分」。有網民質疑：「佢會贏到河北彩花？」繪麗奈回覆：「今次僥倖」，網民再指：「真心麻麻」，繪麗奈回覆：「謝謝你，我又唔係錢，唔係人人Like係好正常」，網民再表示：「我睇到真心超無奈」，繪麗奈再次衝去回應：「睇翻版可以低調啲嘅，我唔值得你買正版，你都可以買其他女優嘅正版」

網民狠批繪麗奈表現小氣，「咁多時間駁嘴，不如修吓身啦」、「女優界MIRROR，唔踩得」、「三上出道果陣都好多人踩，跟住不斷改進，演技越嚟越好，要接受人意見先得㗎」、「人哋講唔好睇，佢唔夠人講就叫人睇正版，九唔搭八」。亦有不少網民撐繪麗奈，指她答得有禮貌又有point，「唔好成日要求公眾人物就要恭恭敬敬」、「叫人支持正版啱喎，唔係點搵食？」