素海霖Erena自認淫賤早已為拍AV鋪路 自爆唔信男人到連菲傭都唔請
素海霖自認淫賤 兩年前已經開口埋口提AV
DJ艾力在2年前已經訪問過素海霖，兩人更一起到市集行街。當時兩人路過一家賣日本傳統衣服的店鋪，DJ艾力一見到和服就話非常適合素海霖，素海霖亦表示：「係啊，好淫賤，仲要拿住把扇，露出一邊肩膀」，想象力非常豐富。之後素海霖開口埋口都提AV，一見到日本風嘅衫就提AV：「呢件就冇頭先嗰件咁淫賤，任何有關日本嘅嘢，香港男仔女仔聯想到AV都係好正常。」之後仲話啲衫有少婦、人妻嘅味道，被DJ艾力取笑素海霖「滿腦子都撞滿AV畫面」。
自爆討厭鬼佬 幾年前已經學定日文
素海霖在訪問中亦坦言自己討厭外國男人：「首先我唔鐘意鬼佬，之前我上網睇過一條片，啲鬼佬覺得亞洲女仔好容易上床，我覺得佢地毫無尊重香港女仔，所以我唔崇洋。」之後又自爆已經學緊日文，仲話希望之後可以遇到日本男生，睇嚟素海霖2年前已經為拍AV而鋪路！
講明不婚主義 唔信男人到連菲傭都唔請
素海霖亦有提到自己係「不婚主義」，對男人零信任，自己之所以會咁諗係因為本身無安全感之餘，亦怕對方會出軌：「我最近睇到一單新聞，一個男人連菲傭都啱，你仲叫我結婚，我唔會結婚囉，都已經唔好話請唔請菲傭喇，老實啲講句男女都會偷食，但我總之就唔信男人囉，講完。」
素海霖大談對約砲想法：做人別太羅志祥
素海霖性格爽直大膽，當被問到對賤男的定義時，素海霖大膽直指羅志祥係賤男，仲話羅志祥最賤嘅係約砲唔請食飯，並且多次在訪問中表示：「做人別太羅志祥」。
網民大讚素海霖性格貼地 笑指：兩年前已經成日諗住AV
隨著素海霖近日人氣急升，唔少網民到近日先發現呢段兩年前拍下嘅訪問。不少網民都留言大讚素海霖性格貼地，講嘢夠真；亦有網民留言恭喜幾年前已經開始學日文嘅素海霖，終於成為AV女優：「幾OK，貼地女神，兩年前已經成日諗住AV」、「恭喜你夢想成真，可做女優了」、「2023年03月15號，慶祝海琳衝出香港，登陸日本」等。
一齊睇素海霖兩年前精彩訪問：
素海霖大談戀愛觀，疑似早已為進軍日本AV界而鋪路？
東方昇搶先訪問香港首位日本女優 – 素海霖（日名：絵麗奈）
東方昇拍攝的影片往往令人驚喜萬分，而最新一集《國家級任務》中更訪問了近日全城熱話的焦點人物——素海霖，大尺度談及首部作品的拍攝過程！在訪問一開始，東方昇即表示超興奮「好鼓舞啊！為港爭光！」，更口快快將「你依家係我偶像」講成「我依家係你偶像」，非常爆笑。素海霖即指自己是土生土長的香港人，更直言「你想我講咩粗口都講得出！」。素海霖訪問中大爆自己連第一條 Trailer 都沒有看過，因為「我唔係好鐘意自己個樣囉」，亦不敢去看成片。
更多：素海霖爆自薦過程｜繪麗奈初戰清水健激讚姿勢溫柔：感到痛但異常興奮
更多：素海霖繪麗奈首部「港產女優」AV面世！預告曝光廣東話撩人對白
素海霖Erena昔日學生相流出
素海霖Erena因宣布進軍日本成人愛情動作片界，於日本下海成為首位「香港女優」後備受熱討，即被爆出過往唔少歷史，有網民更指素海霖曾經賣相兼做過倫敦金，連昔日學生相都流出！
網民爆素海霖中學往事
有網民開了帖文，大爆素海霖舊史，謂：「繪麗奈中文名（素海霖）係我中學同學，中學我哋一齊讀佛教馬xx紀念英文中學，我哋係同一班，不過果時佢比較靜，唔係班入面突出果批，中學之後就斷晒同我哋班嘅聯絡。」網民續指素海霖文靜：「以前唔多講野，係班上面好靜，同學嚟講OK，起碼唔係以前啲壞學生，不過就身材好就真嘅，以前着冷衫已經比同班女仔大。」
更多：素海霖中學玉照激罕流出 被揭曾做倫敦金 性感絕密照俾錢有得睇
更多：素海霖Erena無碼舊相海量流出 激著球衣咬晒唇
素海霖Erena曾公開尖沙咀「真空」散步片被熱議
日本「不戴胸圍散步」風潮竟吹襲香港，25歲的Erena素海霖近日於其YouTube頻道「Thisisshl 素小姐」公開一條在尖沙咀海旁拍的「真空」散步片，至今日已吸引了超過60萬人觀賞，作風大膽的素海霖無懼途人的注目禮，仲話獻出咗自己的第一次。原來她早前曾上ViuTV節目《晚吹 – 戀講嘢》，分享同男友各自偷食的經歷！
素海霖Erena真空散步片被熱議
Erena素海霖早前拍了一條在尖沙嘴海傍真空遊街的影片，被指效法日本潮興「不戴胸圍散步」的風氣，更引發網絡熱議，該「飛釘」影片至今吸引超過60萬人瀏覽，習慣以性感示人的素海霖在其YouTube頻道分享感受竟表示：「第一次不穿內衣在尖沙咀散步，有點緊張和害羞。」
素海霖Erena當男途人透明
素海霖的「飛釘」片長約三分半鐘，本來身穿白色長外套的她在鏡頭前大方除褸，內穿大V領肉色薄線衫，當時已是晚上，孭住個𠝹波袋的素海霖明顯出現「飛釘」情況，開頭表現有點緊張，不過愈戰愈勇，行到去在海旁如入無人之境，更擺出各款搔首弄姿甫士，例如攤開雙手、自行揸Cam低炒自拍等，雖然被不少男途人行注目禮，素海霖依然無懼繼續散步。
網民留言支持Erena
這個真空散步熱潮被視為追求性別平等的「解放乳頭運動」(Free the Nipple)的變奏版，運動今年在日本盛行，不少網紅不戴胸圍在街閒逛並自拍到社交媒體，而香港代表暫時就只有素海霖。對於素海霖參與這個運動，絕大支持者都是男網民，不少人在其YouTube頻道留言，但亦有人笑指素海霖身材唔夠勁，自曝其短。
素海霖Erena其他激凸性感照
素海霖Erena自稱「暗黑港版王淨」
今年25歲的Erena素海霖去年曾參演電影《#PTGF出租女友》，早前又曾上ViuTV節目《晚吹：戀講嘢》做嘉賓，自稱「暗黑港版王淨」（王淨為台灣演員曾憑電影《返校》獲台北電影獎最佳女主角），其言論非常大膽，她透露在蘭桂芳結識到當時的男友，未開始拍拖前，對方已約她去夜總會唱K，並找了女陪酒，令她委屈離開，但過後她仍因對方厚面皮的追求，而接受了和他拍拖。
素海霖Erena自爆與男友各自出軌自嘲係M底
Erena又自爆曾發現男友偷食，為報復對方自己亦出軌，一年出軌四至六次，更指出軌是人之常情，不過男友由始到終都沒有發現她有任何異樣，最後她還向男友自爆罪證，展示與第三者的聊天記錄，男友為此嬲到向她動粗，她自嘲可能是M底，所以被人打都覺得冇咩嘢，但最後男友更揮刀傷到她要入院縫9針，甚至留下疤痕，至此Erena終於決定和對方分手。
雖然被前男友傷到要留疤，但Erena仍表示不介意未來男友出軌，她直言：「出軌唔係最大的問題，佢要表達得好啲囉，例如我搵佢時候，佢要被我搵到，就算偷食都要聽電話，覆訊息都得，但係要Keep住覆。」
素海霖Erena被浩南狂鬧：多嚿魚！
主持們在節目中紛紛批評Erena一開始就不應該接受男友偷食，浩南更激動鬧她「多嚿魚」：「其實你唔會接受佢偷食同解釋得好唔好，因為佢解釋完，但係解釋件事唔係你咁諗嘅話，你會覺得唔完美，不如就一開始唔會接受佢偷食！」Erena就解釋自己是不婚主義者，沒想過要和對方一生一世。
