篤信風水 運滯急搬 揭陳展鵬租約糾紛內情
不過，去年在風水師教路下，提議他搬去向海單位會更旺，於是煎pang火速租住「出事」的海景單位，可惜入住之後，反而發覺近一年事業大不如前，母親早前入院，事事不如意就歸咎風水出問題，即使租約未滿，亦堅持要搬走，因未履行合約引發軒然大波。
陳展鵬 信晒風水師
唔講唔知，視帝陳展鵬原來極之迷信，由入行改名到搬屋入伙等人生大小事，定必搵風水師指點迷津。11年陳展鵬同母親開始租住維景灣畔二座一個高層兩房單位，煎pang已不時搵風水師畀意見。據知情者透露：「佢最鍾意搵師傅去屋企擺陣，一搬入維景，佢就簽埋無綫做親生仔，發展愈嚟愈好，之後做《巨輪》走紅，無耐仲攞埋TVB視帝，事業一帆風順，佢當正係風水屋，仲想買埋間屋，但業主唔肯放盤佢都冇辦法。」
向海大旺
直至撻著單文柔，煎pang同女友同居，又與母親同住，兩房單位自然唔夠住，加上風水師教路，指他若搬向海單位可以更旺，陳展鵬就積極搵海景單位搬。據煎pang友人透露：「師傅話向海可以大旺佢，佢咪即刻搵樓搬，但又鍾情維景灣畔嗰度，最後就由二座搬咗去隔籬一座，一個三房三面都向海嘅單 位，但搬入去之後，佢同女友成日嗌交，反而又唔多順利，後來發現個單位其中一面對住個地盤，佢即時已好想搬，到年初佢媽咪又出事，佢覺得嗰度風水有問題，咪即刻諗辦法想搬走。」
搬屋原本係小事一樁，偏偏陳展鵬就唔按租約規矩交足租金。據知情者透露：「佢覺得之前畀咗一個月按金業主，想用按金抵銷租金，但呢啲唔合規矩，業主當然不滿嘞！佢交樓又唔親身同業主交收，佢都唔係第一次租屋住，如果唔同業主交收清楚，間屋之後有咩問題邊個負責！呢啲佢冇理由唔知，依家搞到同業主爭拗，佢自己都有責任。」雙方各執一詞，希望事件盡快平息，和氣生財！
發毒誓
母親入院
經常嗌交
被指毀約欠租、弄壞地板電器？陳展鵬：我有做過，我雙手跛！
日前有報道指視帝陳展鵬欠租兼毀約，到底發生咩事？有報道指有業主向展鵬指控多宗罪，包括主動要求簽約兩年卻提前一年搬走，即等同毀約須賠償一年租金，又指展鵬並未繳付最後一個月的租金而用按金代替，還有弄壞單位內的電器同地板等。該業主還拍片去數臭展鵬，陳展鵬出席TVB新劇《天命》活動時，就逐一回應指控⋯⋯
事緣咁嘅，有業主於17年將將軍澳維景灣畔月租3萬元單位租畀陳展鵬同佢媽媽，租約一般都一年生一年死，但陳展鵬要求同業主簽兩年約，租約結束期為19年4月。今年初陳展鵬助手向業主投訴因地板撬起問題而令陳媽媽跌倒，對方搵裝修師傅去解決，但陳展鵬拒絕咗。之後透過助手轉發屋內地板撬起嘅短片俾A太，又講到地板問題多多咁，最後通知A太5月就會搬走。
業主稱收樓時發現地板變黑發霉、屋內某啲位置在無通知情況下鑽咗個大窿，而業主同陳展鵬訂立兩年死約，但他提早退租而且連最後一個月租金都無交，陳展鵬話以按金來抵銷。有指由於陳展鵬毀約在先，所以唔可以用按金抵押租金，但陳展鵬未有回覆對方。
究竟件事係真定假？陳展鵬在電視城宣傳即將播映的新劇《天命》時，回應欠租及毀壞單位一事。展鵬出示事前拍下多張租住單位照片，以及與業主談及單位問題的短訊對話截圖，聲稱感到無奈因無端端變成租霸，他指自己在該屋苑已住了7、8年，曾租住兩個單位，每個業主都成為好友，交吉時業主家人都來一起合照，而且也和其他鄰居及保安熟絡。他話現時的業主卻不斷在鄰居和保安面前數落他，故今次要出來公開澄清。
陳展鵬否認業主指控，並謂事件已交由律師處理。問到陳展鵬簽兩年死約，但一年就完？他沒正面回應︰「一定係有問題喺裏面。」他又指入住後屋內有很多問題，單位經常跳掣，冷氣、熱水爐又壞，終於忍不住，因媽媽天冷時要用熱水洗碗洗手，唯有自行修理，業主收到單據卻嫌貴，要找其認識的師傅修理。而展鵬又因自己常出埠，所以最終交給助手處理。講到地板拱起，他拿着照片說道︰「你哋睇吓係我整爛，定係佢自己因為天氣潮濕而拱起，因為啲地板拱起，媽咪受傷，都真係好嚴重。」
陳展鵬首先否認整爛地板，而是熱漲冷縮才變成地板不平，用布和紙遮蓋地板只為方便搬傢俬並非遮醜。他指最氣憤是一直要求業主維修地板、冷氣、熱水爐卻愛理不理，拖數個月甚至半年才處理，最終導致媽媽在家被地板絆腳，搞到入院很大件事，腦震盪至今未好。
講到冷氣機有釘，他直言︰「如果我有做過，我雙手跛！我可以咁講！」陳展鵬指業主表示可以拆櫃︰「佢啲櫃係入牆櫃，拆咗啲牆紙全部好污糟，啲牆未油，我話唔緊要，你拆咗個櫃，我可以畀錢幫你油番佢，我畀錢去油油，又有單有據俾佢，我又點會做呢啲嘢（指欠租），我仲要喺維景灣畔住咗咁多年。」
至於最後租金方面，陳展鵬指跟對方表示會將按金變成租金，但對方沒再回覆，他以為已處理好。陳展鵬謂應循法律途徑去處理，更怒斥︰「一個月，我絕對可以畀，但係咪我哋藝人知名度高，就可以用呢啲方法去做佢想做到嘅嘢呢。」
展鵬稱不介意和業主雙方三口六面講清楚，並指租約列明若1年內退租只要賠1個月租就可離開，他知並非正確手續，承認自己做得不好，但否認租約是兩年死約，一直寫1年，業主竟倒轉來講。問是否想給業主一個月租來平息事件？他說︰「係，我幕前人，我點唔識都好，都知要履行業主同租客嘅嘢。例如話係租兩年，大家係咪兩年，但一年內有問題，就可以一個月前通知業主，但要畀一個月就可以冇事，並唔係冇交成年租。」
他表示因發生太多問題令媽媽住得不開心，所以想搬走，聯絡業主傾談時對方都同意，自己並不介意賠1個月租金，但想依正確手續，跟法律途徑做，起碼對自己有保障，覺得業主太反口覆舌。對於業主爆展鵬曾爆粗罵人，問展鵬會否是因此觸動對方爆料？他保證絕無用粗口罵對方，承認自己有因冷氣及熱水爐問題有怒火，也覺得自己無法再談下去才交由助手與業主交涉。陳展鵬嘆工作太忙，所以一直由助手代為處理。
煎Pang被老友記集郵
煎Pang 同業主各執一詞，唔知邊個真邊個假喇！惟有交由律師處理啦！不過睇番煎Pang個人雖然好木訥又cool cool 哋，但其實佢都幾有愛心！因為今年臨近農曆新年期間，佢帶住單文柔去咗筲箕灣護老院探訪一班老友記，單文柔同班義工幫手將一袋袋禮物送畀老友記，又陪啲老友記玩手工，被班老友記集郵，煎Pang當然唔會say no啦，見到班老友記個個笑晒口，一定過咗個好開心嘅晏晝，拍拖都不忘做善事！抵讚！不過煎Pang究竟幾時賜女友一個名份啫？
中佬特硃癖好 單文柔褻衣情挑陳展鵬
煎Pang去年與單文柔被斷正摸黑上山頂開餐兼談心，棄胡定欣攬嫩口小花令煎Pang人氣下滑，連累單文柔不停在網上被粉絲圍剿，為此煎Pang有意密冚戀情，唔肯正式畀名份，單文柔惟有默默等待，而為討好視帝男友，佢早前去挑選性感喱士內衣及真絲褻衣，實門閂埋門情挑，為閨房生活增加唔少樂趣，面對女友擋不住的風情，煎Pang心心眼迎戰啦！
拍拖唔見得光
當日晚上7時許，煎Pang與單文柔齊齊去九龍城做按摩，梳乎完後只見煎Pang率先離開，佢左望右望又用手遮臉，然後快步行去附近取車。其時佢講住電話，似是與仍在按摩店內的單文柔保持通話，未幾佢開車在九龍城狂兜圈，確定沒有可疑車輛尾隨後，就突然在街口停低，讓單文柔快速跳上車。煎Pang載單文柔到油塘港鐵站即絕塵而去，而單文柔則再轉港鐵去目的地會合女友人。
單文柔 招呼男友有妙法
泊到視帝呢個碼頭，單文柔由籍籍無名的2016年落選港姐變身煎Pang嫂，身價雖不至於十級跳，不過總算多咗人識。對於未獲男友賜名份，單文柔早前直言最重要是自己舒服，認不認愛不是最重要，難怪煎Pang亦表揚佢EQ甚高。對付甚為大男人的煎Pang，單文柔自有一套辦法，40歲的中佬有咩喜好，佢都拿捏得一清二楚，下面睇睇！
買噴血性感褻衣
早前單文柔曾被影到去內衣店買胸圍，當時佢主攻少女味重非常純純兔的款式，不過當日本刊記者卻見佢去到一間專賣性感褻衣的店舖，挑選多件惹火誘人內衣，看來為了迎合煎Pang口味，單文柔荷包要大出血。現場所見，單文柔在店內左揀右揀，睇啱仲拼上身照鏡，全部都係男士見到必定噴血的喱士透視款式，買了心頭好，單文柔才call車返家，等下次與煎Pang見面時大派用場！
外遊預支蜜月
想深入了解，外遊當然唔少得。雖然話要將戀情低調處理，但單文柔與煎Pang經常同時段在IG貼「外遊」相，變相自揭一齊外遊。單文柔仲吊帶低胸上陣，唔知有冇帶埋性感褻衣呢？
