究竟咩事胡杏兒扁晒嘴？

May 4 2016

胡杏兒做咗人妻半年，對呢個身份已經好適應，除咗經常上網放閃，一向對感情事好低調嘅佢，出親活動都自爆同老公Phil Lee嘅sweet事！近日杏兒要去蘇州拍戲1個月，佢話老公詐晒型，仲乘機要求抱抱添！果然上飛機離開香港當日，Phil po咗兩公婆合照，相中杏兒扁晒嘴，真係好唔捨得喎！

其實杏兒去年11月結婚後，已經同老公度咗兩個月蜜月，去勻北海道、英國、馬爾代夫等地方歎世界，前排杏兒去越南開工都帶埋老公同行，順便周圍玩食好西。點知對咗咁耐都未夠喉，估唔到杏兒咁冤氣！

呢兩公婆真係對少陣都唔得，早前Phil去新加坡出席朋友party，都帶埋杏兒，仲影咗唔少靚相！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

關鍵詞

熱門文章