秘戀三年 高Ling 鄧智偉 戀情曝光

34D無綫咪神高海寧(高Ling)入行多年，緋聞極少，感情表面一片空白，原來早與音樂才子林峯御用監製、40歲鄧智偉秘戀三年，二人更鬼祟同居！於馬鞍山天宇海秘築愛巢，據知為免東窗事發，二人絕不同步返歸，更人前人後扮唔識！

而高Ling為了避免戀情曝光，平日多數跟同性好友逛街；至於平時工作後，她亦只有女助手陪伴食飯濕平，打發時間！之後，高Ling都會讓女助手先自行離開，然後獨自駕車返回愛巢！

據知高Ling三年前已戀上鄧智偉，當時鄧智偉於無綫工作，一見高Ling即展開熱烈追求，大獻殷勤，而鄧智偉外形cool爆，更非花心男，令高Ling好放心，據高Ling身邊好友說：「佢錫高Ling錫到燶，細心又唔花弗，最緊要係尊重高Ling，對佢好照顧，加上又有才華，難怪高Ling咁鍾意佢！」

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk