盛舞者|錢嘉樂呻老咗郁唔到 Jace陳凱詠挑機火藥味濃:跳舞邊有分XX?
文:東方新地|圖:TVB《盛.舞者》圖片
盛舞者|錢嘉樂:我參加XX舞大賽時你都未出世
錢嘉樂自言曾在1984年參加過霹靂舞比賽,他感嘆:「呢個世界已經係啲後生仔㗎喇,我哋老啦,郁唔到啦。我參加霹靂舞大賽時,睇你都未出世,但我又真係想你哋參埋我玩,年輕真好!」
![無綫新舞蹈綜藝真人Show《盛‧舞者》共有一連11集,由錢嘉樂、陳凱詠及MC FatJoe擔任主持。(圖片來源:TVB)](https://imgs.orientalsunday.hk/wp-content/uploads/2021/07/a01_200224091460e577148f6a0.jpg)
![錢嘉樂曾於1984年參加「第二屆全港霹靂舞大賽」,當年雖然沒有獲得任何獎項,但仍很難忘(圖片來源:TVB)](https://imgs.orientalsunday.hk/wp-content/uploads/2021/07/029-20210706061653_112177447960e58a676e318-1024x444.png)
Jace嘆跳唱歌難求市場空間
備受網民關注的另一主持Jace(陳凱詠),則指在香港做跳唱歌手好難:「我想做多啲跳舞歌,但啲人成日話成本高、又冇人聽,蝕梗錢,結果個個淨係做慢歌,香港人聽歌就嚟聽到冇反應架喇。」Jace又鼓勵大家不要因為年紀大了而放棄跳舞,她說:「跳舞邊有分年紀㗎?只要你鍾意跳舞,可以跳一世都得!」明向錢嘉樂挑機﹗
![Jace話跳舞可以跳一世,似在回應錢嘉樂「老咗郁唔到」言論。(圖片來源:TVB)](https://imgs.orientalsunday.hk/wp-content/uploads/2021/07/a02_170982973560e57716140e2.jpg)
狄易達:學一個動作,可能一年先進步一個圈
三位導師狄易達、麥秋成與王君馨也有作深情分享,當中以達仔的分享最感性、最勵志亦最能反映舞者辛酸:「細個BATTLE親都覺得自己會輸,我就用『紅帽』 勉勵自己,叫自己熱血啲、唔好咁易放棄。因為學Breaking唔係日計,係以年計。學一個動作,可能一年先進步一個圈,要堅持住。平時唔跳嘅人,係幻想唔到嗰種辛苦,係出咗所有力,都未必做得到,但唔用力,就冇可能達到,所以要堅持!」
![狄易達以紅帽勉勵自己唔好咁易放棄。(圖片來源:TVB)](https://imgs.orientalsunday.hk/wp-content/uploads/2021/07/a13_10026743160e5772440c17.jpg)
麥秋成:堅持精神係第一
麥秋成則展示手上的搶眼紋身「尊師重道」,並指其代表著舞者精神,他表示:「跳舞唔單止要學肢架動作,而係學嗰種精神。無論咩舞種,堅持精神都係第一!同埋我哋要尊重彼此,起舞並存,呢個係我老師教嘅。」王君馨則是一位感性的舞者,自言主要透過舞蹈感受情緒,並從而將之自由抒發。
![三位導師和一眾參賽者已一一登場。(圖片來源:麥秋成IG)](https://imgs.orientalsunday.hk/wp-content/uploads/2021/07/a23_110891917960e57e16a7b4d.jpg)
袁鎮業因傷放棄全職跳舞
一眾舞者亦有輪流分享他們的故事。自首集曝光後,八位曾參演《愛‧回家之開心速遞》的無綫藝人備受廣泛關注,包括林浩文(小林)、陳俊堅、簡家麒(Ken)、林子超(Andy)、袁鎮業(Kelvin)、方紹聰(奶仔)、鄭雋熹、陳苑澄(Tania),他們當中有些是做了Dancer後轉行,林子超更是在演藝學院主修現代舞。
![Andy(林子超)曾在《愛回家》中客串飾演「富二代」言少。(圖片來源:TVB)](https://imgs.orientalsunday.hk/wp-content/uploads/2021/07/a08_23417626660e5771e85f48.jpg)
![陳俊堅在《愛回家》中飾演潮偉電影公司的副導演「堅慌」至今。(圖片來源:TVB)](https://imgs.orientalsunday.hk/wp-content/uploads/2021/07/a09_23004914060e5771fd2ffb.jpg)
![前As One成員陳苑澄(Tania)亦曾在《愛回家》客串過一次島大新生的角色。(圖片來源:TVB)](https://imgs.orientalsunday.hk/wp-content/uploads/2021/07/a10_18610750260e57721323f7.jpg)
眾人之中,又以擔任客串角色多年的袁鎮業較為特別,他說:「我以前全職跳舞,因為傷患所以轉咗行,我嘅強項係Jazz同Urban Dance,我嘅長處係腳夠長!」
![在《愛回家》客串過多個角色的袁鎮業(Kelvin),因傷患而放棄了全職跳舞。(圖片來源:TVB)](https://imgs.orientalsunday.hk/wp-content/uploads/2021/07/a04_110877348460e577191c776.jpg)
奶仔(方紹聰)自爆在無綫已經歷了11個年頭,他自豪說:「 TVB演員乜都識!我強項係慈雲山大髀王,我肯定係呢度大髀最粗嘅!」而Tania則坦言參賽只為了找回初心,陳俊堅則感謝TVB搞跳舞節目。
![奶仔(方紹聰)自言係「慈雲山大髀王」。(圖片來源:TVB)](https://imgs.orientalsunday.hk/wp-content/uploads/2021/07/a07_27489520960e5771d629ce.jpg)
3位導師各選7位學員
節目中三位導師亦開始「揀卒」,每人可挑選7位心水學員,當中更會開始有人被Foul!「揀卒」準則亦唔易過關,各導師先親身示範高難度舞步,學員需於限定時間內學會該隻舞並將之演繹,然後導師再根據各人表現揀選學員,當中除了考驗學員天資外,亦要考驗學員極速學習能力。
![三位導師各自展示舞技,要學員即席學習。(圖片來源:TVB)](https://imgs.orientalsunday.hk/wp-content/uploads/2021/07/a17_100914175160e5772929ad0.jpg)