發表愛的宣言 林海峰搞喊彭羚
廣告
林海峰於昨晚尾場棟篤笑「是但噏廣東話」謝幕時，除了多謝恩師俞琤提攜之外，之後再多謝林若寧同爸爸媽媽。仲話：「要把握機會多謝人，因為唔知下次仲有冇機會做。」最後更向太太彭羚發表愛的宣言，多謝彭羚多年默默支持及付出：「有佢先有我！」令彭羚感動落淚！
其他文章︰
揭八大凍齡男星保養秘技
《前度》子華神金句
愛的宣言
林海峰雖然無說出太太名字，但就話：「其實好多人都會喺演唱會做呢啲嘢，我會覺得好娘，但係今日都要做，自己已經去到中年，好少表達呢啲嘢。」仲重提當年首次遇彭羚嘅感覺：「自己記得嗰陣時喺TVB化妝間，第一眼見到呢個人就覺得呢個人就係喇，我覺得自己嘅決定冇錯，因為有佢先有我。」 現場射燈即射向彭羚，被受感動嘅彭羚已雙手掩面，喊咗出嚟，林海峰之後笑言：「唔知返到屋企佢會唔會話我，做乜唔提佢個名，但其實佢唔係啲咁嘅人！」真係感動又爆笑！
全文完
