全球網民票選十大最有魅力男明星 靚仔到對視2秒都出事！
原文：新Monday｜撰文：阿喵 ｜ 圖片：Instagram、劇照、Pinterest｜編輯：Easy｜資料來源：Brightside
網民票選十大「全球最有魅力男明星」
第十位：Michael B. Jordan
講到Michael B. Jordan你又知唔知佢係邊個呢？但一講佢係在《黑豹》大反派 – Killmonger，大家一定知道，而《黑豹》也是令Michael全球爆紅，更稱佢為最性感的反派！
Michael B. Jordan身材壯碩，肌肉又結實，相信都是吸引大批fans的原因！
第九位：Çagatay Ulusoy
Çagatay Ulusoy來自土耳其，個樣咁靚仔就知又拍戲又做Model啦！原來Çagatay本來沒有想過進入娛樂圈的，因為佢非常熱愛籃球，希望成為自己的事業。但朋友們卻叫佢去上表演課，現時更成為了一位土耳其最受歡迎的演員之一。
Çagatay有一套好出名的愛情片《有毒蜂蜜》（Delibal），大家有冇睇過？
第八位：Henry Cavill
Henry Cavill是新一代的超人，雖然來自英國的Henry又靚仔又識多國語言，但在荷李活的世界並沒有活得很好，經常試鏡失敗，又做不了主角位置，直到成為「超人」前都是被譽為「荷李活運氣最差的男人」！
Henry Cavill操英國口音，樣子俊俏又性感，如今終成為荷李活一線男明星之一！
第七位：William Levy
如果你有留意開啲靚仔排行榜，對William Levy一定不陌生，因為古巴裔美國演員William經常出現在這些名單中，而且佢曾是百大型男榜的第五名！咁又難怪的，William輪廓深邃，樣子又帶啲憂鬱，引死女！
第六位：Toni Mahfud
今年24歲的Toni Mahfud，是一位擁有敘利亞血統的攝影師、繪畫師兼Model，佢就係那種「明明可以靠顏值，卻非要靠才華」，你說上天公平嗎？
Toni同時是一位網絡紅人，經常都會在社交平台上發表作品，鍾意就快啲follow啦～
第五位：Marlon Teixeira
來自巴西的Marlon Teixeira係一個多國混血兒，一半葡萄牙血统、1/4印第安血统，還有1/4日本血统，不做超模真的很浪費！而且Marlon經常出現在男模吸金榜中，可見品牌多麼的喜歡佢！
說到點解Marlon會入行，竟然係佢祖母介紹的！如果冇佢祖母，大家可能就冇機會認識到個咁靚仔的男神。
第四位：Maxi Iglesias
擁有一雙迷人藍眼睛的Maxi Iglesias成為演員之前是一位DJ，在行內非常受歡迎，直到佢參與西班牙青春影集《Fisica o Quimica》後，就令佢更受歡迎！
Maxi曾在採訪中透露，佢非常希望與偶像Javier Bardem一起拍電影。
第三位：Jamie Dornan
相信一眾女性都唔會對來自愛爾蘭Jamie Dornan陌生，皆因Jamie是《格雷的五十道陰影》的男主角，此角令佢在全球爆紅，很多女生都想成為劇中女主角。
但可惜的是，Jamie現實中已經結婚了，而且有一個非常可愛的囡囡，你哋班女唔好再FF喇，放過人啦！
第二位：Zayn Malik
Zayn Malik是英國團體One Direction的前成員，擁有巴基斯坦血統的Zayn在團中一向都是最靚仔那位。退團後，佢繼續做歌手，並追隨自己所想的音樂方向，與不同歌手合作。
佢與名模Gigi Hadid的戀情最為人所知。
第一位：金泰亨
韓國男團BTS防彈少年團因《I NEED U》一曲爆紅至全球，而團中目前人氣最高又曾是2017年百大靚仔第一的金泰亨今次又成為網民的「全球最有魅力男明星」第一！
韓星唔係MK妹妹先鍾意，依家更型出韓國，直捲全球，果然韓風是不能忽視！大家又點睇個排行榜呀？！
藝名V的金泰亨曾在去年「TC Candler」「全球百大美男排行榜」勇奪第一名！BTS在2017年第45屆全美音樂獎上表演，其後因金泰亨的顏值轟動了歐美，相信是排名第一的主要原因。
