生日願望恨拍好電影 惠英紅：希望衝擊2019年的獎項
廣告
今日是影后惠英紅的58歲正日生日，英皇集團主席楊受成博士昨晚為小紅姐設宴慶生，小紅姐接受傳媒訪問，談到生日願望，除了希望身體健康外，也希望今年能拍到幾部好的電影，希望衝擊2019年的獎項，以及早日搵到另一半！
撰文：東方新地
圖片：新傳媒圖片
惠英紅生日願望想拍拖
小紅姐說今日好開心，因為好多好朋友都抽空出席佢嘅生日派對，平時好少飲酒的她也坦言今晚咁開心，難免要喝幾杯。問到有什麼生日願望？她就希望身體健康，也希望能夠接到幾部好的電影，可以在2019年衝擊的獎項。
當日除了是小紅姐正日生日，也是阿嬌鍾欣潼的舊曆生日，所以老闆楊受成除了準備兩封利是給兩位壽星女，還準備了一個生日蛋糕和一對中式壽包送上祝賀，真係喜氣洋洋呀！
58年未行過年宵
嚟緊就到農曆新年，小紅姐話會有幾天假期，會留在香港和家人慶祝，又自爆五十八年來從未逛過年宵市場，希望今年有機會湊熱鬧！
小紅姐送祝福
小紅姐甫見準新娘鍾欣潼，二人即與來個深情擁抱，恭喜阿嬌將榮升做人妻之餘，更笑言：「幾時輪到我呀！」之後小紅姐表示知道阿嬌訂婚消息十分替對方高興，二人合作過好多次，在外地拍攝期間經常安排入住同一間酒店房間及傾偈！又大讚阿嬌是個好乖、好純的女仔，所以知道這喜訊覺得好似嫁女咁！問到會否想找到男朋友？小紅姐笑住回答：「想呀！好恨㖭呀其實！所以頭先一嚟我都要攬阿嬌﹐希望沾一沾佢啲喜興！」她表示：「頭先我都有靜靜地同老闆講(楊受成)幫幫手，介紹個男朋友畀我，可能我朋友圈子比較細，年紀大少少嘅朋友全部都已婚冇單身，所以依家都未有男朋友。」問到她的擇偶條件？她就表示：「健康、又唔使靚仔，一定要心地好，善良就好。」
出席小紅姐生日宴的圈中好友眾多，有經理人霍汶希、溫碧霞、鍾舒漫、許靖韻、陳凱彤等，真係星光熠熠！
到賀的麥子樂表示沒帶禮物，因人到已是最佳禮物。至於湯怡到來是想叫小紅姐收她為徒學拍打戲，問準備什麼來拜師？湯怡笑言已備好了杯茶來拜師。提到阿嬌公佈婚訊好開心，湯怡坦言非常替她開心。
