玩爆你個腎｜KB首次聯合鄭中基玩大佢 夾埋花姐玩爆Edan個腎

文：東方新地｜圖：《玩爆你個腎》、《機動電視台RTV》截圖

KB在社交網預告「香港開埠以來第一次《玩爆你個腎》加《機動娛樂》crossover！究竟係爆邊個？9點鐘睇完《機動娛樂》第一條crossover片，緊接必須睇埋10點《玩爆你個腎》嘅，包你驚喜連連、笑料處處，CLS晒兩個channel啦嘛！而家！立刻！仲等咩？」

鄭中基同監製嘈交 Edan終止錄音

預告片中見到Edan呂爵安在錄音室錄音，初時還懂得對鏡頭微笑，KB就讀出《E先生連環不幸事件》的歌詞，旁白「Edan不幸事件簿中又多一件不幸嘅事」﹗鏡頭一轉到去著名監製舒文同鄭中基正在在控制室內熱烈討論中，愈講愈激動，大家突然好大動作，火花四濺﹗而Edan似乎被終止錄音，不知所措坐喺度，一時又坐立不安﹗

Edan跌入圈套被迫「送死」

呢個時候Edan卻吩咐拎蛋糕入控制室「送死」，Edan面如死灰如行刑般面青青，一步一驚心行入去搵舒文及鄭中基，Edan一入去，二人還在爭拗到面紅耳熱，Edan個樣勁驚呆企當場﹗為了令Edan跌入圈套，花姐亦參與並成為主導人物﹗可憐Edan最後會點收科呢﹗講咁多﹗等睇片啦﹗

鄭中基預告一晚出兩條片

鄭中基亦有在社交網預告「有史而來Channel第一條長片！仲要係同 KB / Kevinboy / Kevin Li / 李健宏 Channel crossover，同時上片，晚上9點機動電視台有我哋嘅片，晚上10點到KB Channel睇埋另外一條片」