王祖藍李亞男宣布囡囡中文名 眾星齊賀B女百日宴！
原文：Sundaykiss-Kayla｜圖片來源：Instagram、微博、官方圖片｜編輯：東方新地
王祖藍李亞男B女百日宴
昨日（17日）是王祖藍和李亞男女兒Gabrielle百日宴嘅大日子，見Gabrielle身穿白色公主裙、戴著粉紅色頭帶，樣子非常可愛！
祖藍與亞男筵開逾四十席，並 「懇辭賀禮」，將所有人情轉贈慈善機構Lifewire，幫助香港的罕有病兒童，呢家人相當有善心！
兩公婆圈中好友甚多，昨日有眾多藝人皆有出席百日宴，包括陳智燊、宋熙年、蔡少芬、張晉、苟芸慧、李施嬅、方力申、鄧萃雯、何超蓮、陳美詩、羅蘭、薜家燕等，齊齊為Gabrielle送上祝福。
何超蓮喺個人IG Story更甫出B女長長眼睫毛嘅相，唔知係咪似媽咪定爸爸啲眼睫毛呢？不過似邊個都唔緊要嘅，最緊要都係B女健健康康同開開心心咁長大！
當祖藍與亞男上台致謝辭時，二人表現興奮，不時擺出唔同pose俾大家影相，期間更即席宣布愛女中文名字，指由於當時亞男陀緊B時只要聽到有音樂，B女就會踢亞男個肚，所以改名為王天韻，意指天上嚟嘅音樂！
雖然當日Gabrielle要同大批賓客朋友合照，但全程都非常乖巧未有扭計，而愛錫囡囡嘅祖藍及亞男，一見愛女打呵欠就當然立即叫陪月姐姐帶B女返回「公主房」休息一陣。
事後，祖男及亞男一齊接受訪問，祖男就笑指好感恩Gabrielle愈大就愈似老婆亞男，仲話：「好多謝你呀！王家因你而改變！醫生仲話，我個女喺同齡嘅BB嚟講算係高㗎！」 ，認真搞笑！
即時回顧：
內地節目直擊 王祖藍返港陪產過程
片段喺內地東方衛視綜藝節目《沒想到吧》最新一集播出，當時王祖藍喺內地工作完，就急急腳上車去機場，直飛香港。
到達香港之後，王祖藍就上咗保姆車，發現原來老婆已經幫佢準備好晒所有嘢，包括BB車同日常用品，令王祖藍不禁大讚老婆細心：「她就是沒毛病（冇得彈），所有事情都是她去弄，寶寶的房間、所有的衣服、迎接寶寶的聚會，她基本上一個人都搞定，如果沒有她，我最近就真的不知道同一個怎麼樣的心情，好好地去工作。」
祖藍仲話覺得生命入面好多嘢都估唔到，就好似兩個身高完全唔同嘅人，都可以愛上對方，相信Gabrielle出世之後，會有更多「估唔到」等住佢兩個去發掘！
去到醫院，王祖藍就換上全副裝備，準備入產房陪李亞男生BB，生B過程當然冇拍攝低，不過老婆幫你生咗個咁可愛嘅囡囡，祖藍一定要好好愛錫亞男呀！
囡囡出世未有即時出樣
王祖藍同太太李亞男結婚3年，一直Keep住甜蜜！小祖藍終於喺上月出世，而當時王祖藍和李亞男同一時間，係IG公布B女已經出世，分享一家三口拖著手既相，但未有揭盅BB囡究竟似爸爸定媽媽。王祖藍古惑表示，「個樣太似我，所以唔俾你睇」，而媽媽表示，「我們很高興地宣布，Gabrielle是我們收到的最好的聖誕禮物！對我們三個人來說，2018年真的是特別的一年。」更祝大家冬至快樂！
李亞男大方分享B女得意樣
不過喺祖藍生日當日，李亞男趁機放閃，上載一家三口合照。Gabrielle被媽咪公開了個靚樣之後，亞男又再於她的ig post了Gabrielle的多張靚相，攝於不同角度且有多個造型，全部都好趣緻㗎，相信亞男已經化身做狂曬B女的媽咪了。
李亞男：同嫲嫲餅印一樣
李亞男喺Instagram分享多張Gabrielle嘅玉照，其中一張係佢同嫲嫲嘅對比照，仲未足月嘅Gabrielle原來同嫲嫲真係好似樣，連李亞男都忍唔住留言表示：「Gabrielle, watching you grow up have been the best thing that has happened to me #myangel #同奶奶餅樣」而其中一張相，就是以Gabrielle的樣子來跟祖藍媽咪個樣做對比，望落兩人的輪廓確是幾似的，唔怪之得亞男都話囡囡同奶奶個樣是餅印啦。
囡囡未有出樣
王祖藍和李亞男同一時間，係IG公布B女已經出世，分享一家三口拖著手既相，但未有揭盅BB囡究竟似爸爸定媽媽。王祖藍古惑表示，「個樣太似我，所以唔俾你睇」，而媽媽表示，「我們很高興地宣布，Gabrielle是我們收到的最好的聖誕禮物！對我們三個人來說，2018年真的是特別的一年。」更祝大家冬至快樂！
待產靚媽李亞男，今日就係IG分享幾張大肚照，仲好感性留言「與BABY GIRL每一刻都是寶貴的」，無錯啊！媽媽真係要好好珍惜BB，仲喺媽媽肚裏面的時間。而網民都發現靚媽嘅腳有水腫，但除此之外手都好纖瘦。此外，大家都好期待BB究竟似爸爸定媽媽！
早前王祖藍今次一改搞笑嘅態度，再冇扮鬼扮馬，同李亞男影咗一輯Sweet爆孕照，留底美好回憶。王祖藍仲抵死留言「我都就生」，皆因自己都有個大肚腩，同李亞男肚入面個BB相映成趣！
網民：BB個鼻超似爸爸
雖然B女尚有兩個星期才會正式跟大家見面，不過爸爸王祖藍已經急不及待在Instagram上分享BB的4D超聲波照，不少網民還留言指B女的鼻子很像爸爸王祖藍，令人更期待BB的來臨！
在 Instagram 查看這則貼文
王祖藍（@wong_cho_lam）分享的貼文於張貼
李亞男陀B音樂胎教
李亞男上星期貼出自己的孕照，表示同肚中的小baby girl去聽音樂會，實行音樂胎教，仲話囡囡好鐘意聽音樂（Bringing baby girl to a concert.she really loves music）。網民都大讚，媽媽陀得好靚，好期待「小祖藍」出世。唔洗急，大家好快就知道BB，似李亞男定王祖藍喇！
李亞男經常笑言丈夫基因太強，如果生女似爸爸就大獲，但真係係囡囡呀！李亞男在個人Instagram上載了一張孕照，肚上就用粉紅色寫了「Baby Girl」，留言指：「今日小公主陪我開工，佢好乖！」
網民得知李亞男陀B女後，紛紛留言指希望不要像爸爸王祖藍，更有粉絲指會天天替李亞男祈禱：「拜託要像媽媽！」
胎動似攪肚痛
李亞男有咗4個月時，狀態仲好好，冇增磅，冇腰痛，又冇乜作嘔作悶，胃口都OK！不時仲去行吓公園，希望對將來順產會有幫助。
李亞男話，初初感受到胎動嘅時候，感覺好奇妙，好似攪肚痛咁！
未決定順產定開刀
李亞男話而家仲未決定順產定開刀，因為王祖藍實在太忙喇，怕BB出世會撞正爸爸要開工，如果開刀嘅話，爸爸就可以提早請定假！
李亞男選完華姐初到香港，就被公司安排同鍾嘉欣同住。而家佢哋都先後結婚，仲升級做媽媽喇！
李亞男：BB好錫媽咪
有網友就關心懷孕初期的李亞男早上有沒有晨起嘔吐、噁心、喜食酸物或厭油膩等妊娠反應，李亞男就表示，BB好錫媽媽，佢暫時都未經歷過孕期的任何不適，只會每日覺得好攰，又會頻頻「尿尿」。
