王浩信陳自瑤8歲仙氣女QQ激罕曝光 遺傳父母超強基因表演慾強

撰文：東方新地｜圖片：陳自瑤影片截圖

王浩信 陳自瑤護女第一

37歲王浩信與39歲陳自瑤，11年姊弟戀開花結果，不過，近年事業一帆風順的王浩信，卻屢傳婚姻現危機，跟老婆陳自瑤更近乎零互動，早前老婆生日亦蹤影全無。不過，兩人護女就十分一致，多年來都未有將女兒樣貌曝光。

王浩信女兒眼大 遺傳媽媽靚樣

日前陳自瑤卻激罕在社交網上載了8歲女兒QQ一段短片，長髮大眼的QQ勁可愛，完全遺傳了父母的超強基因，靚樣如倒模媽咪，皮膚白滑仙氣逼人，短短幾秒已經勁多表情，即時引起網民熱論。不過萌爆的QQ，唔知係咪貪玩攞咗媽咪手機自拍放上網，事關片段火速被刪走，呢次可能只係意外地向網民派福利。